Di sala 2016'an de, nivîskara Koreya Başûr Cho Nam-joo romana “Kim Ji-young, di sala 1982’an de ji dayik bûye” weşand. Sernavê wê sade û bêalî xuya dikir, lê roman zû ji sînorên wêjeyê derbas bû û bû yek ji berhemên herî berbiçav ku nîqaşên li ser pirsgirêkên jinan û cudakariya zayendî li Koreya Başûr û derveyî wê derxist holê.
Roman çîroka Kim Ji-young, jineke Koreyî ya ku di sala 1982'an de ji dayîk bûye vedibêje ku rêwîtiya wê ji zarokatî û dibistanê heta kar, zewac û dayîktiyê dişopîne. Girîngiya karakter ne di wê yekê de ye ku ew îstîsna ye, lê di wê yekê de ye ku ew jineke asayî ye, di gelek aliyên jiyana xwe de dişibihe bi hezaran jinên din. Bi saya ezmûna wê, roman cûrbecûr cûreyên cudakariyê dibîne ku ji tercîha mêran di nav malbatê de dest pê dike, digihîje dibistan, kar û piştî zewac û zayînê ji nûve derdikeve holê.
Cho Nam-joo trajediya lehengê xwe li ser bûyerek yekane, lê li ser kombûnek dirêj a hûrguliyên rojane ava nake. Cudakarî dikare di şîroveyeke nefermî, bendewariyeke civakî ya normal de, berpirsiyarkirina jinê ji reftara yên din, an jî di wê texmînê de ku divê ew di navbera kariyera xwe û rola xwe ya di malbatê de hilbijêre, xwe nîşan bide.
Di navbera çîrok û rastiyê de
Cho Nam-joo çîrokên vegotinî bi agahiyên rastîn û îstatîstîkên li ser civaka Koreyî re tevlihev dike, jiyana Kim Ji-young wek lensekê bikar tîne da ku bi riya wê mijarên civakî yên berfirehtir lêkolîn bike. Vê nêzîkatiyê hêz û bandor daye romanê, lê di heman demê de bûye çavkaniya nakokiyan jî. Gelek xwendevanan hîs kirin ku ew bi serkeftî ezmûnên rojane yên jinan digire, hinên din jî peyama wê ya jinan pir rasterast û dijwar dîtin.
Belavbûna berfireh a romanê bi serdemeke ku li Koreya Başûr nîqaşên li ser wekheviya zayendî zêde dibûn re hevdem bû. Bi vî awayî, çîroka Kim Ji-young ji bo jinan bû wesîle ku ezmûnên xwe yên hevpar îfade bikin. Heta sala 2018’an, roman ji bo gelek jinên Koreyî bû berhemeke îkonîk, di heman demê de ji hin derdorên dij-femînîst rexne jî girtiye.
Belavbûna pirtûkê yê çaraliyê cîhanê
Bandora wê bi tenê bi Koreya Başûr ve sînordar nebû; berhem wergerand gelek zimanan û gihîşt xwendevanên berfireh ên li çaraliyê cîhanê. Di nav wan de bi rêya wergera Jimmy Chang xwendevanên îngilîzîaxêv jî hebûn.
Di sala 2019’an de, roman bû fîlmek Koreya Başûr bi heman navî. Bi lîstina Jung Yu-mi û Gong Yoo, fîlm mijarên ku di pirtûkê de hatine nîqaşkirin gihand temaşevanek berfirehtir.
JÎNHA
