Peyamên Newroza sala 2026'an

• Wekî salên borî, îsal jî dirûşma pîrozbahiyên Newrozê li gorî daxwazên mîlyonan hatiye diyarkirin: Azadî, yekitî û demokrasî.

Starta pîrozbahiyên Cejna Newrozê hate dayîn. Dirûşma Newrozê ya îsal wek "Newroza Azadî û Yekitiya Demokratîk" hate diyarkirin. Mîlyonan kes dê daxwazên xwe yên ji bo azadiya fîzîkî ya Rêberê Gelê Kurd Abdullah Ocalan, yekitiya neteweyî ya demokratîk a Kurdan û demokratîkbûna welat biqîrin.

Dirûşmên ku her sal li gorî daxwazên gelê Kurd û geşedanên salê hatine diyarkirin wiha ne:

2001: Piştî guhertina paradîgmaya Abdullah Ocalan, Newroz bi dirûşma “Ne înkar ne veqetîn, komara demokratîk” hate pîrozkirin.

2002: Pîrozbahî bi dirûşma “Bijî azadî, wekhevî û yekitiya dildar a gelan” ku bi daxwaza azadiya Abdullah Ocalan hate lidarxistin.

2003: Ji bo balê bikişînin ser dagirkirina Iraqê û rewşa bêşer a di pirsgrêka Kurd de, hat gotin “Ji şer re na”.

2004: Dirûşma “Newroz yekitî ye” hat diyarkirin.

2005: Li dijî polîtîkayên înkar û şer ên li ser Kurdan, pîrozbahî bi dirûşma “Em ê rê nedin şer” hatin kirin.

2006: Ji bo çareseriya demokratîk û aştiyane ya pirsgirêka Kurd, dirûşme wek “Hêj jî şansek ji bo aştiyê heye” hate diyarkirin.

2007: Di sala ku jehrîkirina Abdullah Ocalan di rojevê de bû, dirûşme “Tenduristiya wî tenduristiya me ye” hate diyarkirin.

2008: Ji bo balê bikişînin ser tecrîdê, pîrozbahî bi dirûşma “Êdî bes e” hatin lidarxistin.

2009: Di Newroza ku rastî hilbijartinên xwecîhî hat de, dirûşme wek “Ne înkar ne îmha, çareserî xweseriya demokratîk” hate diyarkirin.

2010: Di sala ku guhertina destûra bingehîn di rojevê de bû, pîrozbahî bi dirûşma “Rêbertiya Azad, Nasnameya Azad, Xweseriya Demokratîk” hatin lidarxistin.

2011: Ji bo azadiya Abdullah Ocalan û çareseriya pirsgirêka Kurd, bi dirûşma “Ji bo jiyanek bi rûmet an azadî an azadî” pîrozbahî hatin kirin.

2012: Di Newroza ku operasyonên “KCK”ê berdewam dikirin de, bi dirûşma “Êdî bes e, an azadî an azadî” pîrozbahî hatin lidarxistin.

2013: Di pîrozbahiyên ku mîlyon beşdar bûn û çareseriya pirsgirêka Kurd dihate axaftin de, dirûşme wek“Ji Ocalan re azadî, ji Kurdan re statû” hate diyarkirin.

2014: Komîteya Amadekar a Newrozê, li ser kampanyaya îmzeyan a ji bo azadiya Abdullah Ocalan, dirûşmeya “Rêbertiya Azad, Kurdistana Azad” diyar kir.

2015: Newroz bi dirûşma “Êdî bes e, ji Rêber Apo re azadî” hate pîrozkirin.

2016: Ji bo balkişandina ser ragihandina xweseriyên li Kurdistanê, bi dirûşma “Em ê bi berxwedanê bi ser bikevin” pîrozbahî hatin lidarxistin.

2017: Ji ber referandûma guhertina destûra bingehîn, dirûşme wek “Em ê teqez bi ser bikevin” hate diyarkirin.

2018: Di dema êrişên li ser Efrînê de, dirûşme wek “Newroz berxwedan e, li dijî faşîzmê bihara gelan e, faşîzm dê winda bike, gel dê bi ser bikevin” hate diyarkirin.

2019: Li dijî polîtîkayên tecrîdê yên li ser Abdullah Ocalan, pîrozbahî bi dirûşma “Em ê teqez bi ser bikevin, em ê tecrîdê bişikînin” hatin lidarxistin.

2020: Ji ber nexweşiya Koronayê Newroz li malan hate pîrozkirin û dirûşme wek “Her der Newroz” hate diyarkirin.

2021: Pîrozbahî bi dirûşma “Em bi agirê Newrozê li ber xwe bidin, azad bibin” hatin lidarxistin.

2022: Mîlyonan kes bi dirûşma “Dem dema serkeftinê ye” herikîn qadên Newrozê.

2023: Dirûşmê “Her der Newroz, her dem azadî” û “Bi agirê Newrozê ber bi azadiyê ve” mohra xwe li pîrozbahiyan xistin.

2024: Ji bo destnîşankirina azadiya fîzîkî ya Abdullah Ocalan û yekitiya neteweyî ya Kurd, dirûşme wek “Rabe dema azadî û serkeftinê ye” hate diyarkirin.

2025: Ji bo balkişandina ser banga Abdullah Ocalan a ji bo Aştî û Civaka Demokratîk, dirûşme wek “Rêbertiya Azad Civaka Demokratîk/Newroza ji bo Azadiyê” hat diyarkirin.

2026: Dirûşmên "Newroza Azadî û Yekitiya Demokratîk" û "Newroza Azadî û Demokrasiyê" hatin diyarkirin. Pîrozbahî dê herî kêm li 53 navendan bên lidarxistin.

MA / NAVENDA NÛÇEYAN / BÊRÎVAN ALTAN