• Tecrîd sûcê mirovahiyê ye
• Operasyona Ewlehiya Domdar
• Em ê nehêlin dosyaya Narînê bê girtin
• Di meha cotmehê de 43 jin hatin kuştin
• Li dijî qeyûm serî li dadgehê dan

Gerîlayên YJA Starê bi helbestekê qala çalakiya fedaî ya Asya û Rojger kirin. Helbest bi navê'Roj nekarî bê tarîkirin' hate nivîsandin ku di ew gotin di nameya Rojger Hêlîn de derbas dibe.

Fedaiyên Tabûra Nemiran Asya Alî û Rojger Hêlîn 23'ê Cotmeha 2024'an li hemberî navendapîşesaziya parastinê ya dewleta Tirk TUSAŞ'ê çalakiyeke fedaî kirin ku bandora vê çalakiyêhîn jî dewam dike. Yek ji deverên ku peyama vê çalakiyê gihîştê, bêguman çeperênberxwedanê yên li Herêmên Parastinê yên Medyayê ye.

Gerîlayên YJA Starê yên li çeperên şer, dilsozî û heyraniya xwe ya ji bo çalakiya fedaî Asya û Rojger bi helbestekê nîşan dan. Helbest ji armanca çalakiyê heta bi pêvajoya amadekariyê û encamên wê, bi zimanê wan qala vê pêvajoyê dike. Navê helbestê jî 'Roj nekarî bê tarîkirin' e ku di nameya Rojger Hêlîn de derbas dibe. BERJÎN ONÛR  BEHDÎNAN

* * *

Tecrîd sûcê mirovahiyê ye

Gelekî li ber xwe da, qêriya û got tecrîd sûcê mirovahiyê ye. Zindanan ji berxwedanan re şahidî kir. Kurdan li hemû qadan bang kir, dengê xwe bilind kir û gotin ‘Ev tecrîd di şexsêAbdullah Ocalan de ligel tê kirin’. Dayikên dilşewat li qadan îşkence dîtin. Tevî vê dest jiberxwedanê bernedan. Van berxwedanan têrî muktedîran nekir. Rihê 14’ê Tîmrehê lizindanan dîsa zindî bû. Zulkuf, Ayten, Medya, Zehra, Mahsun, Yonca û Sîra. Ev rihên fedayîfiriyan û gihiştin serokatiyê.

Di 26 salan de ji bo serokatiya me û sê hevalên wî yên li girava Îmraliyê dimînin maf bênnasîn têkoşîn û bedelên mezin hatin dayîn.  Ev dihatin jiyîn lê bêdengiyek hebû. Belkî ev stratejiyek bû. Deng nebihistin. AKP ji tecrîda dijhiqûqî ya 23 salan berpirs e.

Tecrîd li ser hemû girtîgeh û muxalîfan pêk hat. Di 2019’an de 7 ciwanî li girtîgehan ji botecrîd bê bihistin canê  xwe feda kirin. Îro serokê netewperest yê welat dibêje ‘ger tecrîd rabe’ û vê dijhiqûqiyê qebûl dike.

Piştî 43 mehan şûnde Omer Ocalan çû hevdîtin bi serokatiyê re kir. Vê hinekî dilê Kurdan rehet kir.  Ew û her sê hevalên wî başin û me fêm kir ku tecrîd rabe ew di her alî de wê ji bopêvajoyê amade be. Ev jî hêviya me ya ji bo çareseriyê zêde dike.

Rêberê Gelê Kurd Abdullah Ocalan û hemû nirxên me, gelek bi nirx in. LEYLA GUVEN/JINNEWS

* * *

Operasyona Ewlehiya Domdar

 Operasyona Ewlehiya Domdar a li kampa Holê û derdora wê di roja duyemîn de ye. Li gor hejmarên dawiyê 40 çeteyên DAIŞˈê hatine girtin û gelek çek hatin desteserkirin.

Operasyona Ewlekariya Domdar ku ji aliyê YPJ, QSD û Hêzên Ewlekariya Hundirîn ve li kampa Holê û derdora ve hatiye destpêkirin, di roja xwe ya duyemîn de dewam dike.

Nûçegihanên me yên ku operasyonê kêlî bi kêlî dişopînin, diyar kir ku hêzên operasyonê piştî ku gelek gund paqij kirin û gihaştin sînorê Iraqê (başûr), niha giraniya xwe daye xeta navbera bajarokên Şedadê û Holê û lêgerînê dikin.

Li gorî agahiyên ku fermandarên operasyonê dane nûçegihanên me, heya niha çeteyek hatiye kuştin, 40 çeteyên şaneyên DAIŞˈê hatine girtin û miqdareke çek û cebilxane hatine desteserkirin.

Armanca operasyonê, paqijkirina 100 kîlomtere sêgoşeya li kampa Holê û derdora wê (erdîngariya navbera Hol, Til Hemîs, Hesekê, Eşîre û Şedadê) ye. HESEKÊ/ANHA

* * *

Em ê nehêlin dosyaya Narînê bê girtin

 Jinan li pêşiya Edliyeya Amedê berî danişînê daxuyanî dan û gotin ku heta faîlên Narîn Guranê tên dîtin û cezakirin dê têkoşîna wan bidome.

Danişîna yekemîn a doza Narîn Guran a 8 salî ku di 21’ê Tebaxê de li gundê Çulî yê navçeya Rezan a Amedê hatibû qetilkirin, li 8’emîn Dadgeha Cezayên Giran a Amedê hat lidarxistin. Li edliyeyê tevdîrên ewlehiyê yên zêde hatine girtin û bersûcên girtî dayik Yuksel Guran, birayê wê Enes Guran, apê wê Salîm Guran û cîranê wan Nevzat Bahtiyar anîn edliyeyê. Her çar bersûc jî ji ber sûcê “Hevkariya hev kirine û zarok bi qesdî kuştine” bi cezayê muebbeta giran tên darizandin.

Berî danişînê nûnerên partiyên siyasî û rêxistinên civaka sivîl ên jin li pêşiya Edliyeya Amedê daxuyanî dan. Di daxuyaniyê de jinan gotin:"Em ê heta dawiyê vê dozê bişopînin. Em ê destûrê nedin dosyaya Narînê were girtin."

* * *

Di meha cotmehê de 43 jin hatin kuştin

Li gor çeteleya tundiyê ya meha cotmehê ya JINNEWS'ê 43 jin û 6 zarok hatine qetilkirin, 22 jinan û 4 zarokan bi awayekî bi guman jiyana xwe ji dest dan.

Her meh li Tirkiyeyê qetilkirina jinan zêde dibe, daneyên li ser vê mijarê ji raya giştî tên veşartin. Nûçeyên di çapemeniyê de tên weşandin ne têrker in ku bi tevahî asta şîdeta mêr nîşan bidin. Gotinên hikûmetê yên teşwîqkirina sûcdaran û polîtîkayên bêcezahiştinê yên darazê her roj dibin sedem ku li bajarên Kurdistan û Tirkiyeyê herî kêm du jinan bên qetilkirin û zarok jî dibin hedefa şîdeta mêran. Lê belê jin bêyî ku dest ji maf û jiyana xwe berde, li dijî vê rewşê têkoşîna xwe ya bi biryar didomînin. YEŞÎM ORUÇ/JINNEWS/NAVENDA NÛÇEYAN

* * *

Li dijî qeyûm serî li dadgehê dan

 Bi daxwaza betalkirina biryara tayînkirina qeyûm a li Şaredariya Bajarê Mezin a Mêrdînê serî li Dadgeha Îdareyê hate dayin.

Wezareta Karên Hundir a dewleta tirk Hevşaredarên Bajarê Mezin a Mêrdînê Ahmet Turk û Devrîm Demîr ji peywirê girt û li şûna wan qeyûm tayîn kir. Parêzerên hevşaredaran, bi daxwaza betalkirina biryarê serî li Dadgeha Îdareyê ya Mêrdînê ya Nobedar dan. Parêzer Erdal Kuzu û Tahar Erdem serlêdan kirin û gotin ku tu bingeheke hiqûqî ya ji bo tayînkirina qeyûm tune ye.  MÊRDÎN/MA