Hêzên ewlekariya peravên Yewnanistanê ragihandin ku li girava Sîmî ya li nêzî peravên rojavayê Tirkiyeyê, keştiyeke ku koçber tê de bûn, noqî avê bûye û 3 koçber mirine.
Li gorî daxuyaniya hêzên ewlekariya peravê, di operasyonên rizgarkirinê de bi botan û helîkopterê 8 kes bi saxî hatine xilaskirin. Hat diyarkirin ku cenazeyên 3 kesan ji avê hatine derxistin û yek ji wan jin e. Hat ragihandin ku herî kêm 2 kes jî winda ne.
Di van salên dawî de bi hezaran koçber ku pirraniya wan ji Sûrî, Efxanistan û Pakistanê ne, bi rêya di derya û erdê re di ser Tirkiyeyê re derbasî Yewnanistanê bûne.
Pirraniya koçberan hewl didin di ser Yewnanistanê re biçin rojavayê Ewrûpayê.
Li vê herêmê gelek keştî noqî avê bûne û gelek kes di encamê de mirine.
NAVENDA NÛÇEYAN
