Şaredariya Panosê ya HDP’ê ji bo jinên ku ji gundan tên navenda navçeyê Navenda Bêhnvedanê ya Jinan vekir.
Miduriyeta Jinan a Şaredariya Panosê ya HDP’ê ji bo jinên ku ji gundan tên navenda navçeyê Navenda Bêhnvedanê ya Jinan vekir. Ji bo vekirina navendê li navçeyê bernameyek hat lidarxistin. Parlamentera HDP’ê ya Bajar Dîlan Dîrayet Taşdemîr, Hevşaredara Panosê Muşerref Geçer û gelek kes tevlî bernameyê bûn.
Parlamenter Taşdemîr, di bernameyê de axaftinek kir û da zanîn ku li ser daxwaza jinan navend hatiye vekirin û wiha got: “Li gel van şert û zextan şaredariya me xizmeteke baş kiriye. Di demên bê de wê şaredariya me ji bo jinan xizmetên hê bi hez tir bike.”
MA/AGIRÎ
