Wutuwêjî Dostaney Serhêl

Hesen QAZÎ nivîsand —

În 17 Kanûn 2021 - 22:09

  • Hesen Qazî:  Silaw rêzdar Rîzwanî! Zor xoşhal bûm ke dîsan êwem le Facebook da dîtewe. Emin le salî 1984 le gundêk le dewr û berî Silêmanî be xizmettan geyiştim.

Sazmanî Înqîlabî u 
Kurdistan (107)

Giftugoy be nûsraw le naw Hesen Qazî û Muhsîn Rîzwanî be rêgay Facebook da

20-11- 2013

Hesen Qazî: Silaw rêzdar Rîzwanî! Zor xoşhal bûm ke dîsan êwem le Facebook da dîtewe. Emin le salî 1984 le gundêk le dewr û berî Silêmanî be xizmettan geyiştim.  Bo ewey le lîstî dostanî xotan le Facebookîş da mintan wergirt sipastan dekem.
Muhsîn Rîzwanî: Zor baş bû. Le kame dê û le çi pêwendî û têkelîyek da? Renge eger sere petêk bidey bîrewerîyekan zîndû binewe. Hesen Qazî nawêkî aşinaye. Çend kesan bew nawe denasim û le pir yekêk le nizîktirînyan çend mang lewe pîş le Parîs êmey be cê hêşt.

Qazî: Belê renge emin yekêk lewan bim. Legel kak Selîm Baban û dostêkî dîke hatîne meqereketan ke le nawçey jêr deselatî „Yekêtî Nîştimanî Kurdistan“ da bû. Rîzwanî: Le Çoxmax bû?
Qazî: Belê min nawî ew gundem le bîr çû buwewe boye nem nûsî. U giftugoy êwem legel rêzdar Şewket xwêndewe be daxewe êsta le ber destim da nîye. Zor xoşhal bûm le wêda amajetan kirduwe be yarmetîyekanî profêsor Joyce Blau û qedertan lê girtuwe. Kitêbêkîş be boney „xanenişînî“ wî derkewtûwe ke bedaxewe ta êsta nem dîwe. Ewe lînkî bernameyekî têlêvîzyonî Farsî BBC ît bo denêrim sebaret be zimane daykîyekanî na Farsî le Iran ke legel profêsor Samvelian û axay Mihemed Emînî beşdarîman têda kird. Êdîtor û pêşkêşkarî ew bernameye hawşarî êwe û Kirmaşanî ye, bellam sosyalîze bûnî Iranî – Farsî ye.

21-11-2013

Rîzwanî: Kak Hesen bernamekem dî. Ziyatir mecal dira be Memed Emînî belam her çonêk bê eweyke zimanî daykî debê azad bê le medresekanda xalî hawbeşî her sê nefereke bû û lew ruwangeyewe debê layenî poztîvî bernameke zeq bikrêtewe.

24-5-2017

Qazî: Silaw axay Rîzwanî, ser le beyanî Cum’e be daxêkî giranewe hawrê Newşîrwan Mistefa le Silêmanî koçî dwayî kird. Be cê debê eger çend dêr lemer bîrewerîyekanî xot legel wî binûsî.
Rîzwanî: Sipas, hetmen wa dekem. Emin dwênê bîstim le kongirey pazdey komele da beşdarî kirdbû.

Qazî: Silawit lê bê. Emin Duşeme şew le bernameyekî têlêvîzyonî kurdî da be dûrudirêjî basî pêwendî Sazmanî Înqîlabî, Hîzbî Tûdey Iran le derewey wulatim kird û çûnyan bo Kurdistanî ‚Iraq. Bizûtnewey Goran deyanewê fîlmêkî belgeyî le ser jiyan û xebatî Nowşîrwan amade biken. Lewaneye legel êweş pêwendî bken.
Bibûre çend nefer le dostanî ew serubendî zîndûn?
Pêm wa bê duktur Parsanejad le Elmane. Aya Irec Keşkolî hêşta zînduwe?
Rîzwanî: Çend kes ê’dam kiran.

Qazî: Emin Hûşeng Emîrpûrim denasî.
Rîzwanî: Ê’damyan kird. ‚Elî Sadiqî zîndûwe û le nawendêtî Hîzbî Rencberan daye. 

Qazî: Duktur ‚Elî Sadiqî le Swîs dersî xwêndbû?
Rîzwanî: Belê duruste le Swîs û Feranse.

Qazî: Ême ke hatîne serdanî meqereketan le Başûr ewîş lewê bû. Le pêşda çûyne Awejê û lewêwe hatîne lay êwe.
Rîzwanî: Siyamek Mueyîdzade be qewlî Mam Celal kurdî çikole zînduwe.

Qazî: Ew le kwê ye?
Rîzwanî: Ew le Swêde.

Qazî: Hawrê Rîzwanî êwe xotan Kurdin yan nakurdî Kirmaşanîn?
Rîzwanî: Le Kirmaşan le dayik bûm le bab û daykêkî na Kurd, belam xom be Kurd dezanim.
Qazî: Zor başe. Carêk profêsor Blau çîrokêkî bo min gêrawe, deygut le polî dersî Kurdîm le Parîs le naw şagirdekanim da şagridêkî japonîm hebû û her weha Muhsîn Rîzwanî. 
Rîzwanî: Joyce zor yarmetî kird be ême.

Qazî: Deygut Japonîyeke Kurdîyekey baştir bû le Rîzwanî. Belê dezanim yarmetî dawin bo cêga peyda kirdin bo danîştneketan le Bêljîk, hetmen renge bizanî Joyce le muzakeratî nêwan Îsraîlîyekan û Felestînyekanîşda destî hebû. Çend kes le doste nzîkekanî le Parîs têror kiran.
Rîzwanî: Le salî 1964 polîsî nêwneteweyî be dway minewe bû be tawanî beşdarî le têrorî Şa da. Joyce le gel grûpî Toma minyan necat da. Êwe le kwên?

Qazî: Be xoşîyewe Joyce Blau hêşta le ser hale û zirmey dê. Emin le Swêdim. Êwe hîç bîrewerîyekî destî yektan lemer Nowşîrwan webîr dî?
Rîzwanî: Eger bême Urûpa hetmem soraxit degrim. Bîrewerîm heye.

Qazî: Hetmen xoşhal debim.
Rîzwanî: Wutwêjêkim legelî heye le Nawzeng le meqerî Mam Celal le salî 1983.
Qazî: Ewe debê hetmen lemer serubendî dway şoriş bê.
Rîzwanî: Raste.

Qazî: Zemanêk le Silêmanî bûn û gowarî „Rizgarî“ yan der dekird. Nowşîrwan le bîrewerîyekanî da delê nawerokî Rizgarî ziyatir kadrekanî Sazmanî Înqîlabî deyannûsî.
Rîzwanî: Raste.

Qazî: Lew serubende hîçit webîr dê? Duktur Siyaweş Parsanejad le bîrewerîyekanîda lew bareyewe be wurde rîşall nûsîwye. Min katêk le bîrewerîyekanî Laşayî da ew şitanem xwêndewe ke lemer pêwendî xoy û Mam Celal nûsîbûy giryanim hat. Be wurdî ew hawrêyane kamane bûn?
Rîzwanî: Kak Nowşîrwan le xulî te’lîmatî – perwerdeyiye markisîstîyekanda beşdarî dekird û hawrêyanî ême çendîn grûpyan perwerde kird ke kak Nowşîrwan  deynasandin. Hawrêyanî ême birîtî bûn le: Siyamek Mueyîdzade, Kuruş Laşayî, ‚Eta Keşkolî, Îrec Keşkolî, ‚Elî Sadiqî, Xusrew Sefayî, Siyaweş Parsanejad, Muhsîn Xatemî.



Dirêjey heye...

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.