Tûdê organî têorî sazmanî înqîlabî

Sazmanî Înqilabî u Kurdistan (168)

Pirolêtaryay cîhan û gelanî sitemkêş yekgirin

Tûde organî sazmanî înqîlabî Hîzbî Tûdey Iran le derewey wulat

Lem jimareye da

Bizûtnewey çekdarane le Kurdistanî Iran

Helumercî komelayetî û mêjûyî

Xebatî çekdaraney ew duwayane

Boçûn bo meseley Kurdistan 

Şehîdanî Kurdistan 

Jimarey 19 – Pûşperî 1349 [ Juwenî 1970]

Bayî taq jimare 10 riyal 

“Ême debê biçîne naw komelanî xelik, lêyan fêr bîn, ezmûnekanyan ko keynewe û le nawyanda pirênsîp û şêwegelî baştir û rêkûpêktir derxeyn û duwaye le naw komelan da teblîxî keyn û lêyan bigêrînewe ta be wedîhênanî ew pirênsîp û şêwane kêşekanyan cê be cê ken û yarmetî bidrên ke bigen be azadî û baş bijêtî”  

Maotsê Tung

Nexşey nawçey xebatî çekdaraney ew duwayane

Bendî yekem

Helumercî komellayetî û mêjûyî

Sereta

Xebatî çekdaraney Kurdistan le salanî 67-68 da le nawçeyekî Kurdistanî Iran da kira ke be hebûnî nerîtî şorişgêrane be nawbange. Le rastîda dewr u berî Serdeşt û Bane ta nizîk Mehabad, û dû nawçey Lacan û Şino nawçey partîzanî heraw bûn ke têyanda girûpî cor be cor 'emelîyatyan dekird. Ew xebate le zemanêk da berêwe deçû ke sêberî sernêzey serbazanî Şa be ser gelî Iranewe bû, zemanêk ke rêjîm pêy wa bû pêgekanî seqamgîr bûn û serqalî " rêform" bû, le heman serubend da ke rêwîzyonîstekan be hemû hêz û tuwanay xoyan deyanwîst xelik bixaflênin û xerîkî şape û gape bûn be dijî xebatî çekdarane û be hêndêk wtar wekû "çarenûsî duruşmêk" be şêweyekî sefsetawî şikanî xebatî Başûr [mebest xebatî çekdaraneye le nawçey Qeşqayiyekane, amadekar] yan degiştand û ew akameyan lê derdexist ke xebatî çekdarane durust nîye. Le helumercêkî awa daye ke gelî Kurd çek be destewe degrê. Heldestê û be dijî rêjîm dest deka be xebatî man û neman le beriztrîn şêwey xoy da yanî şer.

Ew bizûtneweye le werzêranî çek bedest pêk hat û be pêçewaney şik u guman û dengoy nadurust xesletî 'eşîretî nebû û girîngtir le hemwan ewey ke amancekanî siyasî û pêşkewtûwane bû û le çaw raperînekanî pêşû le astêkî pêşweçûtir da bû.

Ew şêwe diyarey xebatî gel be dijî konepersitî Iran girîngî xoy le serdemayek da werû dexa ke rêwîzyonîstekan be têorî hondnewe be şêwey berbilaw teblîx deken bo xebatî parlimanî û Irec Eskenderî [sikirtêrî yekemî Hîzbî Tûdey Iran lew serûbendî da, amadekar] kirêkaran radespêrî ke "le pênaw şîr û sabûn da xebat" biken. Û le helbijardin da nexwêndewaran radespêrê le ser kaxezî dengdan da wêney wî bikêşnewe! Le doxêkî awa da xelik şêwey bineretî û durustî şoriş û xebat tê degen û dilêrane dest deken be raperînî çekdarane.

Bûnî kesanî wek Simayil Şerîfzade û Mela Aware direwşaneweyekî taybetî deda be sîmay ew bizûtneweye. Simayîl Şerîfzade rûnakbîrî şorişgêr ke ta duwayîn demî jiyan wefadar bû be gel û armanekanî û be ruhîyey têk neşkawî xoy, be helwêstî dijî rêwîzyonîstî lêbirawane be taybetî dijî siyasetî hawjînî hêmnane û têperînî Xoroşçofî dIrewşawîyekî taybetî da bew bIzûtneweye. Lew bIzûtneweye da kesêkî wek Mela Aware hebû ke roley resenî komelanî xelIk bû. Ew lew sîma degmenaneye ke şorişî Iran helî xistûwetewe çunke rûnakbîr û reçelekî şarî nebû, be pêçewane le dê le dayik bibû û le dê gewre bibû û legel eweşda têorî kem dezanî le ciyatyan helwêstêkî ewende aşkray çînayetî û meylêkî ewende durustî siyasî hebû ke kirdbûye numûneyekî pêşkewtû le rêbazî cemawerî û webergirtinî siyasetî durust da.

Komelanî xelik tenanet le karubarî nawxoyî xêzanîş da rawêjyan pê dekird. Ew katey ke birînewey darî lêrewarî qedexe kirdbû xelik ew fermaneyan be şêweyekî ewto becê hêna ke bûwe hoy tûreyî fermandey likî Serdeşt çunke heman fermanî wî pêştir kes gwêy nededaye û cê be cê nedekra. Ew fermandeye ewende xezeb girtibûy ke fermanî da be serbazekanî darekan bibirnewe û bîyanhêne şarî.

Ew raperîne ewcorî ke helweşêneran [mebest lew desteyeye ke be nawî kadrekan le Sazmanî Inqîlabî cwê bûnewe. Amadekar] û her weha bultenêkî cêy gumanî Almanî be nawî "Kurdistan Info" (ke be aşkirayî piştîwanî deka le mela Mistefa û hîzbe rêwîzyonîstîyekanî Iraq) îdî'a deken raperînêkî "Kastirîstî" nebû. Ew raperînaney ke goya le rêbazî Kûba pêroyî deken, xesletî awayan heye ke lew bizûtneweye da nebûwe. Girîngtir le hemwan ewey ke kastirîstekan be zanayî dewrî hîzbî pêşro berperç dedenewe, karî siyasî be kem degrin, sinûrî nêwan dost û dujmin têk deden, şorişî dêmokratîkî nwê le komele nîwe kolonî – nîwe fêodalîyekan da berperç dedenewe. Ew helwêst girtine ke be zanayî dekrê legel pêwajoy "fêr bûnî şer le katî şer" ferqêkî gewrey heye. Zor bizûtnewey çekdarane heye ke be bê rêberayetî hîzbî pêşroy prolêtêrî dest pê deka, belam be dem peregirtinî xoyewe hîzbî pêşro saz deka, le qanûnekanî şerî şorşigêrane qûltir tê dega û hengaw be hengaw kemukurtîyekanî xoy tê heldehênêtewe. Be hîç cûr nakrê şeqlî kastirîstî le bizûtnewey ewto bidrê.

Qiseyekî awa leber tê negeyiştin le qanûnî peresendinî diyardekane. Be taybetî ewey ke xebatî çekdarane le Kurdistan le muhîtî derewe ra ranegwêzrawe bo nawxo, belkû rîşey le nawxowe awî dexuwardewe şervananî zorbeyan lew rûnakbîrane pêk nedehat ke le şar ra hatbin belkû hemûyan ew werzêraney bûn ke mal û jiyanyan her le heman nawçe yan nawçekanî nizîk bû. Palpiştî ew raperîne komelanî xelik bû. Nan û aw û cêy xewî partîzanekan le layen werzêran û be xoşî dilî xoyan dabîn dekra, birîndarekan le male werzêran mudawa dekran û agadarîyan lê dekra. Jinan le şarewe dermanyan radegwêst bo ladêyan, mêrmindalyan xeberyan dehêna ....

Direjey heye....