Tenê dixwazim azad bim

Nûçeyên Çand/Huner

sêşem 4 tebaxê 2020 - 23:00

  • Di dosyaya berfireh a li ser Behrûz Boçanî de New York Times Magazine dibêje, Behrûz deqerû û degel dibêje, ji akademîsyen, siyasetvanan heta bi çalakgeran sûdê ji îndustriyekê digirin ku li dora êş û azara penaberan ava bûye.

Behrûz Boçanî piştî heft salên li navendên girtina penaberan ên li peravên Awusturalyayê, nexasim jî li Girava Manus a Papua Gîneya Nû, beriya çendekê weke penaber li Zelanda Nû hat qebûlkirin. New York Times Magazinê dosyayeke berfireh ji serhatiya wî re veqetandiye û tê de ew dibêje, ez dixwazim azad bim.
New York Times Magazinê li ser rojnamevan û nivîskarê Kurd ê ji Rojhilatê Kurdistanê Behrûz Çomanî (Bahrooz Chomani) yê ku beriya demeke kurt li Zelanda Nû weke penaber hat qebûlkirin, dosyayeke berfireh weşand. Megan K. Stack ji bo dosya xwe bi Behrûz Boçanî re peyivî. Megan beriya bi qederê salekê jî li odeya motelê li paytexta Papua Gîneya Nû, li Port Moresbyê jî dîtibû. Hingê li wê odeyê her tişta wî hebû, nexasim kitêbên bela wela; hingê Behrûz jê re ji bo kitêbên ku pirraniya wan kar û keda wî jî tê de, gotiye, "ev kitêb ne xema min in." Axir piştî hingê ne bi gelekî, rêxistineke wêjevanan a Zelanda Nû ew vexwend, bilêteke tayarê jê re şand, vîzeyeke ji bo mehekê da ku sînor derbas bike jê re şandin.
Megan tevî wî diçe balefirgehê lê ji ber ku rayedar wî di deriyê ji bo koçberiyê re derbas dikin, nikare refaqetî wî bike. Axir ew behsa serpêhatiya kitêba Behrûz Bochanî ya bi navê “No Friend but the Mountains (Ji bilî çiyayan dost nînin)” dike. Çawa wî bi rêya telefoneke destan û bernameya WhatsAppê kitêb parçe parçe nivîsî şand ji hevalê xwe Moones Mansûbî re yê li Sydneyê û çawa wî wergera ber bi Ingilîzî ya van pasajên nivîskî kiriye. Û bi şêwra bi profesorê fîlozofiyê Omîd Tofîqiyan re helbest û pexşana derketî holê, wî dawerivandiye nav cûreyekî ku Omîd Tofîqiyan wê navê "Surrealîzmeke tirsnak" lêkira.

Ma xelk wê êşkenceyê fêm bike

Di kitêbê de Behrûz Boochanî bi israr xwestiye nîşan bide ka çawa zext û êşkenceya derûnî misêwa li penaberên li navendên girtina panebaran hatiye kirin; armanca vê jî bi ya wî neinsankirin û bi tevahî tinekirina penaberan bûye.
Omîd Tofîqiyan li ser kitêbê bi Behrûz re dipeyive: "Behrûz kalîteya kitêbê ecêb e, nuans û teknîk azamet e. Wî got, ´Omîd, Omîd, ez vê naxwazim. Ma xelk wê di êşkenceya sîstematîk de bigihijin?"

Sûdê ji êşa penaberan digirin

Behrûz Boçanî dibêje, ew tenê dixwaze azad be û rexneyê li rojnamevanan jî dike ji ber ku ew penaberan weke mexdûrên bê nav û nasnameyek nîşan didin. Heta ew bê tirs behsa hisa xwe dike ya li ser ji akademîsyen, siyasetvanan heta bi çalakgeran: bi ya wî ew sûdê ji îndustriyekê digirin ku li dora êş û azara penaberan hatiye avakirin.
Ew dibêje, No Friend but the Mountains tenê qismek ji karê wî ye û ew naxwaze heta hetayê li ser Girava Manus a ku ji bo penaberan zindanek bû binivîse. Ew dibêje, ew dixwaze dinya wî weke nivîskarekî ku ji bo wextekê penaber bû nas bike.

NEW YORK

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.