QSD: 29 çete hatin kuştin

Navenda Ragihandinê ya QSD’ê bi daxuyaniyekê bîlançoya 24 saetên dawîn a şer û berxwedana li dijî êrişên dewleta Tirk a dagirker û çeteyên girêdayî wê eşkere kir û wiha got:"Dewleta Tirk a dagirker pêr di saetên sibehê de li derdora Bendava Tişrînê êrişên dijwar da destpêkirin. Di heman demê de balafirên bê mirov ên bi çek bi karanî. Êriş heya saetên êvarî dewam kir. Çeteyan jî bi panzêran ji du aliyan êrişî girê gundê Xirbe Zemala kirin. Şervanên me bi xurtî bersiva êrişan dan. Bi qasî hat tesbîtkirin di şer de 8 çete hatin kuştin û hejmarek çete birîndar bû. Yekîneyên Şehîd Harûn jî du erebeyên çeteyan bi temamî rûxandin. Balafirên bê mirov ên bi çek ên dewleta Tirk a dagirker li nuqteyeke hêzên me xist, lê tu zerar çênebûn.

Çeteyan bi hejarmeke mezin li aliyên çep û rastê yên Girê Syriatel êriş kirin, lê rû bi rûyê berxwedaneke mezin a şervanên me man û şerekî giran rû da ku heya saetên derengiya şevê dewam kir. Di encamê de 21 çete hatin kuştin û 15 çete jî birîndar bûn.

Herwiha Yekîneyên Şehîd Harûn li gundewarê Bendava Tişrînê li 25 hedefên çeteyan xistin. Di encamê de, 3 tank, 2 erebeyên doçka li ser û 3 erebeyên zirxî hatin îmhakirin. Her wiha li 4 kombûn û nuqteyên çeteyan hatin xistin û depoyeke çekan a çeteyan hat teqandin. Çeteyan li eniya Dêr Hafirê bi hawanan êriş kirin û bi doçkayê nuqteyên hêzên me kirin hedef, lê tu zerar bi hêzên me nebû. Yekîneyên Şehîd Harûn bi 2 çalakiyan 2 erebeyên çeteyan kirin hedef û erebe bi temamî rûxandin.

Di berxwedana pêr de 29 çete hatin kuştin, 15 çete birîndar bûn, 3 tank, 3 erebeyên zirxî hatin îmhakirin, 4 kombûnên çeteyan hatin hedefkirin, depoyeke çekan hat teqandin, her wiha 2 jê doçka li ser, bi giştî 4 erebe hatin teqandin."

NAVENDA NÛÇEYAN