- Hêçkam le ême ew demî ew pirsyarey le xoy nekird ke ew serbaze "nîştmanperist" ane be çi mebestêk çûbûn bo şarî Bane.
Sazmanî Înqîlabî u Kurdistan(125)
Wutuwêjî nameyî legel hawrê Baqir Murtezewî Xusrewşahî
Hêçkam le ême ew demî ew pirsyarey le xoy nekird ke ew serbaze "nîştmanperist" ane be çi mebestêk çûbûn bo şarî Bane. Bo cade rakêşan? Bo xanû durust kirdin? Û yan bo bergirî le nîştman de beranber bêgane da? Û yan bo çi karêkî dîke?
Lêre da be pêwîst dezanim wekû yekêk le endamanî pêşûtrî Sazmanî Înqîlabî be kirnoşkirdin le beranber xebatî gelî Kurd, rexne le xom bigrim û babetêk bas bikem ke hawşarîm 'Elî 'Ecem le salî 1347 [1968] gutûye û min le bîrme û hemîşe lay xom dûpatey dekemewe. Katêk le salî 1347 jandarme xwênxorekanî rêjîmî seltenetî cewananî nebezî Kurdyan esparde dest coxey agir, 'Elî 'Ecem şorişigêrêkî Azerî legel hawrê Kurdekanî le katî ê'dam da gutbûy emin le piştênd berew jêr tenaf pêç ken bo ewey katêk tîrebaran dekrêm û dekewm bejnim leber komelanî xelik danwandibê. Hadî Gêramî Ferd le çawpêkewtinêk da bo kitêbî min "Helqe yê Gomişodê [alqey winbû] "lew bareyewe awa delê" bo amadekirdnî raport bo "Sazmanî Rehayîbexş" çûbûme Kurdistan û le Kurdistan destey Mela Aware, Suleyman Mu'înî, 'Ebdula Mu'înî, Mihemedemîn Sîracî û Simaylî Şerîfzade le layen Barzanîyewe pêwe kirabûn û gîra bûn û meytekanyan çend rojêk le şar da helawesîbû...
Emin peyta peyta le Kurdistan raportim amade dekird. Bîr u rakanyanim derxistibû, tê geyiştim ew bizûtneweye her meylî nasyonalîstî nebû.
Yek nefer le kûjrawkan be nawî 'Elî 'Ecem ke Kurd nebû û Turk bû. Ewe êmey tê degeyand ke ew bizûtneweye her bizûtneweyekî Kurdî rût nîye. Deyangut katêk wîstûyane ew 'Elî 'Eceme ê'dam biken lêyan pirsîbû êsta ber le ê'dam çit dewê? Gutbûy hîç her le piştênd berew jêr bimbestin bo ewey katêk ê'dam dekrêm û dekewim, kirnoşim birdbê bo komelanî xelik" û êsta le duway têperînî 52 sal lew karesate be hurmet be hawşarî nemrim 'Elî 'Ecem waqim wirmawe ke ewe çi bû boçî ême rêbazî 'Elî 'Ecemman negirt û rêgay îmamî umetman helbijard, çi qewma êmeyek ke şan be şanî ew yarane bûyn rêgaman gorî û le bane şan be şanî serbazanî gumnawî êmam rawestayn. (Bo zanyarî ziyatir birwanne laperey 174î kitêbî "Helqêyê Gomşodê").
Sebaret be xîlaf û dû berekî naw Sazmanî Înqîlabî pirsîwte. Xîlaf û dûberekî duwatir le naw Hîzbî Rencberan, le ser zor şit hebû û bijardinyan lem nûsîne kurtey tê deperênê belam le naw Sazmanî Înqîlabî da numûneyekî konkirêtim çak le bîre.
Le rojnamey "Rencber" (Rencber, organî nawendî Sazmanî Înqîlabî jimarey ewel, a-î Xermananî 1358 [23-î Ûtî 1979] wutarêk hebû be nawî "ba be yekgirtûyî dijî şoriş serkut bikeyn". "Dijî raperînî çekdaraney takuteray dijî şoriş le ast dewletî mîlî le şarî Pawe û şwênekanî dîkey Kurdistan bizûtneweyekî herawî neteweyî bo serkutkirdnî dijî şorişî ser be bêgane bo wulam danewe be bangewazî îmam Xumeynî pêk bênîn".
Melbendî Hîzbî Azerbaycan be rêberî nemir 'Eta Keşkolî sebaret bew wutare munaqeşey kird û geyişte ew akame ke debê yekêk le rêberanî sazman bête Tewrêz û lew bareyewe rûnkirdnewe bida. 'Eta bo xoy yek le pênc kesî rêberayetî Sazmanî Înqîlabî bû. Le duway ew dimeteqe û gengeşeye nemir 'Elî Sadiqî (Kak Îbrahîm) hate Tewrêz. Akamî ew dîdar û basey ke kira ewe bû ke gutî qisey êwe raste belam berjewendî teşkîlatî hîzb hukim deka, bîr u ratan bo rêberayetî hîzb binûsin. Belam debê em jimareyey Rencber bilaw bikenewe. Yanî bepêy têzî gwêrayelî kemayetî le zorayetî, ême sereray dijayetî xoman legel nûsraweke, bilawman kirdewe. Ewey ke ristey be nawbangî "gwêrayelî kemayetî le zorayetî" çende însanekan û bîr u rayekanyanî serkut kirduwe becêy xoy, belam ême le naçarîman ew jimareyey Rencberman bilaw kirdewe.
Min le gişt em nûsraweye da amajem be hîç numûneyek nekird le helsukewtî ew sazmananey ew demî le Kurdistan hebûn. Tenê demewê ewe bilêm ke min le helwêstî ew rêkxirawaney lewê hebûn, çi Hîzbî Dêmokratî Kurdistanî Iran, çi Komele û çi 'Êzedînî Husînî bergirîm nedekirid û her weha wenebê pêm wabê ke helwêstî ew demî ewan heley têda nebûbê, û êsta duway têperînî 40 sal lew tarîxewe ew rêkixrawaneş debê helwejêran û mal tekandinêkî qûl le siyaset û helsukewtî xoyan da biken. Beqûlî bawerim waye ke xebat le pênaw diyarîkirdinî mafî çarenûsî xo cige be palpiştî hêzî komelanî xelk qet sernakewê. Tecrubey hukûmetî Kurdistanî Iraq nîşan deda ke ew core hukûmet wedest hênane çarenûsêkî ewtoy nîye.
Dirêjey heye ....
