MKGP û DFGyî ra seba rojnamegeranê girewteyan gazîye

Derheqê 16 rojnamegeran de 9 aşmî yo ke îdîaneme nêameyo hedrekerdiş. MKGP û DFG do roja pancşemeyî verê Edlîyeya Dîyarbekirî de malûmatêk bidê.

8ê Hezîrane 2022yî de Dîyarbekir de rojnamegerî gêrîyayê binê çimî û 16 rojnamegerî ameyê girewtene. Derheqê nê rojnamegeran de 9 aşmî yo ke îdîaneme nêameyo hedrekerdiş. Na rewşe bîya sey cezadayîşî. Seba ke bale biancîya na rewşe ser o, roja pancşemeyî saete 12.00 de do hetê MKGP û DFGyî ra verê Edlîyeya Dîyarbekirî de malûmatêk bêro dayene. 

Ma verê edlîya de yenê têhet

Hetê MKGP û DFGyî ra twitterî ser ra gazîye ameye kerdene û ame vatiş ke, “16 embazê ma 9 aşmî yo ke; bêîdîaname, bîlasebeb û bineheqî hepis de yê. Ma seba ke biqîrê û vajê embazanê ma caverdê reyna yenê têhet. Seba paştîdayîşî ma her kesî silaynenê verê edlîya.”

MA / DÎYARBEKIR