Mehmet Deştî Cizîrî koça dawî kir

Kedkar û welatparêzê Kurd Mehmet Deştî Cizîrî li paytexta Fînlandiya Helsînkiyê di 18'ê Mijdara 2025'an de ji ber nexweşiyekê koça dawî kir. Cenazeyê Mehmet Deştî Cizîrê piştî 30 salên penaberiyê di 23'ê Mijdara 2025'an de li Cizîra Botan hate veşartin. Çîroka Mehmet Deştî Cizîrî di heman demê de çîroka giran a penabera Kurdan a ji cih û warê xwe bû.

Mehmet Deştî Cizîrê ku ji kedkarên Tevgera Azadiyê ya Kurdistanê bû di salên 1990'î de ji ber zilm û zordariya dewleta Tirk li gel malbata xwe neçar ma koçî Başûrê Kurdistanê bike.

Li kampên Etrûş, Geliyê Qiyametê, Nînowa, Nehdarê û Mexmûrê ma. Di sala 2016'an de ji ber nexweşiyê derbasî welatê Fînlandiyayê bû û li vê derê jî di nava Meclîsa Gel de kar kir. Mehmet Deştî Cizîrî ji salên 1980'ê û heta koça dawî xizmet ji civaka xwe re kir.

NAVENDA NÛÇEYAN