Li Nîgdeyê êrişa nijadperest

Karkerên demsalî yên ji Sêweregê çûn Nîgdeyê, li navçeya Borê rûbirûyê êrişa nijadperest bûn. Karkerên birîndar rakirin Nexweşxaneya Perwerde û Lêkolînê ya Nîgdeyê. Wekîla DEM Partiyê ya Êlihê Zeynep Oduncu Kutevî dîmenên kêliya êrişê li ser hesabê xwe ya medyaya dijîtal parve kir û got:“Karkerên demsalî, di nava vê pergala kedxwariyê ya bêdemsal de hema hema her sal rastî heqaret, cihêkarî û tundiyê tên. Êrişa îro hatiye kirin, nîşan dide ku ewlehiya canê welatiyên me nehatiye parastin. Di serdemeke wiha ku li ser avakirina aştiyê tê axaftin de ev êriş, careke din nîşan dide ka aştî çiqas lezgîn û jiyanî ye. Em bûyerê dişopînin û şîfaya xêrê ji bo tevahiya malbatên me dixwazin. Divê hemû berpirsyar bên tespîtkirin û hesab jê were pirsîn.” Zeynep Oduncu Kutevî, bang li Wezareta Karên Hundir û hemû rayedaran kir ku peywira xwe bi cih bînin. 

Bi çekan êriş kirin

Di vê êrişê de karkerê Kurd Orhan Îdîlkurt bi çekê hate birîndarkirin. Derket holê ku serokê şaredariya MHP’yî ji bo ku di girteyê de weke ‘çeka ku nakuje’ bê nivîsîn zextan dike.

Li nahiyeya Çukurkaya ya navçeya Bor a Nigdeyê, 24 karkerên Kurd ên demsalî ku ji navçeya Sêwereg a Rihayê çûbûn, rûbirûyê êrişa xwediyê zeviyê û xizmên wî bûn. Li gorî agahiyan, ji ber tira ku di heriyê de mabû, ji bo ji heriyê bê derxistin agahî dabûn xwediyê zeviyê Cemal Ozer da ku bi traktorê tir were derxistin. Ozerê ku hatibû zeviyê, heqaret li karkerên Kurd kiribû. Li ser vê yekê karkerên Kurd zevî terikandin û xwestin biçin konên lê jiyan dikin. Li ser vê nêzî 150 kesên ku ji xwediyê zeviyê Ozer û xizmên wî pêk dihat, rêya karkerên girtin, heqaret li wan kirin û nehiştin ku ji zeviyê derkevin. Piştî ku alozî mezin bû, Ozer û xizmên xwe bi çekan û daran êrişê karkerên Kurd kirin.

Ne cendirme ne ambulans hatin

Ji Karkeran Orhan Îdîlkurt, di êrişa bi çek a xwediyê zeviyê Ozer de bi giranî birîndar bû. Tevî ku karkeran agahî dan cendirme û ekîbûn tenduristiyê jî, nehatin cihê bûyerê, karker bi wesayîtên xwe ji cihê bûyerê dûr ketine. Piştî ku ji cihê bûyerê derketine ambulans hatiye û birîndar rakirine nexweşxaneyê.

Şaredar dest li girtekan werda

Di lêpirsîna ku piştî bûyerê hatiye destpêkirin de, hate hînbûn ku serokê şaredariya Çukurkayayê yê MHP’yî Akmet Halîsdemîr xwestiye dest li girtekan werde, şûna çeka rastî, di girtekê de ‘çeka pêlîstok’ bê derbaskirin, zext kiriye. Di encama destwerdana karkeran de, di girtekan de bi çeka rastîn hatiye birîndarkirin derbas bûye. Di lêpirsîna ku dewam dike de, xwediyê zeviyê Cemal Ozer hate binçavkirin.

Ew ê êrişkar hesab bidin

Partiya Herêmên Demokratîk DBP’ê derbarê bûyerê de daxuyaniyek da û got:’’Weke hersal îsal jî Kurd rûbirûyê êrişên nijadperest dibin. Li aliyekê sîstemeke ku keda karkeran desteser dike, li aliyekî din zîhniyeteke nijadperest ku nasnameya karkeran weke gef û xeterî dibîne, şidetê pêk tîne û  ji desthilatdariyê piştgiriyê digre heye. Parastina ewlekariya can a karkerên demsalî pêkanîn û yên ku êrişên nijadperest pêk tînin tespîtkirin, berpirsiyariya desthilatdariyê ye. Em destnîşan dikin ku divê dest ji têgîhîştina nijadperestiyê sor dikin, yên êrişkaran piştgirî dikin û cesaretê didin êrişkaran berdin, derbarê êrişkaran de karûbarên hiqûqî pêk bînin. Ev êrişa ku bi tenê karkerên Kurd hedef nagre, îradeya jiyana hevpar jî hedef digre, careke din rûreş dikin. Em ji bo malbatên xwe yên rûbirûyê êrişê bûne re, dibêjin derbasî be. Em soz dikin ku bûyerê bişopînin û ji bo berpirsiyar hesab bidin em ê têbikoşin.’’

NAVENDA NÛÇEYAN