Li Kobanê 2 şehîd hatin veşartin
Duşem 21 Sibat 2022 - 22:36
- Şêniyên Kobanê û navçeya Eyn Îsayê cenazeyên şehîd Hemze Ehmed û Sultan El-Şahî li Goristana Şehîd Dîcle ya Kobanê veşartin.
Şêniyên Kobanê û navçeya Eyn Îsayê cenazeyên şehîd Hemze Ehmed û Sultan El-Şahî li Goristana Şehîd Dîcle ya Kobanê veşartin.
Doh li Kobanê şêniyan cenazeyên şervanê Hêzên Sûriya Demokratîk (QSD) Hemze Ehmed (Çekdar Belek) û endamê Hêzên Ewlekariya Hundirîn Sultan El-Şahî ku li dem û cihên cuda şehîd bûbûn, li Goristana Şehîd Dîcle ya başûrê Kobanê veşartin.
Li goristanê ji fermandarên Meclisa Leşkerî ya Kobanê Mehmûd Mehmûd û cîgirê hevserokê Meclisa Kantona Girê Spî Heza Mihemed axivîn û sersaxî da malbatên şehîdan.
Axêveran destnîşan kir ku bi saya fedakarî û berxwedana QSD’ê hewldanên dijminan têk çûn. Her wiha soza şopandina rêya şehîdan dan.
KOBANÊ