Ji bo zarokên şehîdan dibistana teknolojiyê

Nûçeyên Jiyan/Civak

Duşem 26 Îlon 2022 - 04:25

Bi armanca bipêşxistina zarokên şehîdan di warê teknelojiyayê de, Meclisa Malbatên Şehîdan a Herêma Cizîrê, bi hevkariya Desteya Perwerde û Fêrkirinê ya Herêma Cizîrê, dibistana Şehîd Beşîr a Teknelojiyayê li bajarê Qamişlo vekir.

Dibistan bi beşdarbûna enadmên Meclisa Malbatên Şehîdan a Herêma Cizîrê û nûnerê Rêveberiya Xweser li kolana Wehda ya naverasta bajarê Qamişlo hat vekirin.

Di merasîmê de, endama rêveber a Meclisa Malbatên Şehîdan Selma Xelîl axivî.

Selma Xelîl piştî pîrozkirina vekirina dibistana yekemîn a teknelojiya ji bo zarokên şehîdan, got, "Em bi hêvî ne ku ev dibistan li cîhanê bibe mînaka birêxistinekirina jiyaneke baştir ji bo zarokên şehîdan û bipêşxistina siberojê û civakê."

Selma Xelîl her wiha da zanîn ku ew ê dibistanên weke vê, li herêmên din jî vekin.

Endama rêveber a Dibistana Şehîd Beşîr ya Teknelojiya Selma Elî jî axivî û diyar kir ku armanca vekirina vê dibistanê, zarokan pêş bixin û civakeke zane ava bikin.

 

Kompûter û bîrkarî

Têkildarî sîstema kar li dibistanê, Selma Elî jî got, "Dema perwerdeyê li akademiyê du sal in. Di akademiyê de 7 branş hene, 4 ji wan girêdayî kompûterê ne: bername, kompûter, dîzayn û montaj, elektron, beşên din jî bîrkarî, zimanên Erebî, Ingilîzî û Kurdî ne."

Deriyê dibistanê ji aliyê dayika şehîd Beşîr Remedan, Sîham Remedan ve hat vekirin.

ANHA/QAMIŞLO

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.