Hîzbî Tûde u Kerîm Hîsamî

Hesen QAZÎ nivîsand —

În 10 Hezîran 2022 - 21:09

  • Paş wergirtinî namey kak Hemedemîn [be tarîxî 18 / 7 /1967 ] çawim be Dr. Radmeniş kewt.  Û wez'î Kurdistanim bo bas kird.

Paş wergirtinî namey kak Hemedemîn [be tarîxî 18 / 7 /1967 ] çawim be Dr. Radmeniş kewt.  Û wez'î Kurdistanim bo bas kird. Dr. Radmenîş gutî: "Têkoşere Kurdekan ba rêgay rastî xebat bidoznewe, nexşey karî xoyan bikêşn, êmeş hawkaryan dekeyn û yarmetyan dedeyn. Le ser rojnamey Kurdistan gutî, ême laman waye meseley karî teşkîlatî Kurdistan le kadrî rojname ciya bikrêtewe ." 

..... Helwêstî biraderanî Hîzbî Tûde Dr. Qasimlûy narrehet kirdbû. Le layek ew endamî hîzbî tûde bû, le layekî tirewe birwayan pê nedekird û le ser wez'î Kurdistanîş rawêjyan pê nedekird. ...

.... Rojî 29 / 9 / 1967  le nameyek da be Dr. Radmenîşim rageyand ke biraderan geranewe bo Kurdistanî Iran û le kobûneweyek da minyan be endametî rêberayetî helbjardûwe û dawayan kirdûwe ke bigerêmewe bo Kurdistan. Pêşnyar dekem kobûneweyek be beşdarî Dr. Qasimlû û kak Hesenî Qizilcî û min legel buroy siyasî Hîzbî Tûde pêk bê û rêga biden be yekcarî bgerêmewe bo Kurdistan.

Şeşî Oktobrî 1967, Dr. Radmenîş be telêfun gutî: "Lew kateda kobûneweman bo saz nabê. Pêşniyar dekem seferêkî dîke bikey bo Iraq. Legel biraderanî Kurd pêwendî bigrî û qerar û medarêk dabinêy bo çawpêkewtinman".

[Hîsamî deçê bo Bexda û ewcar deretanî çawpêkewtinî Simayîl, Hemedemîn û Suleyman Moînî bo narexsê û 27 / 11 / 1967 degerêtewe Sofya - H.Q.] 

.... Paş ewey ke namey kak Suleyman û kak Hemedemînim pê geyişt be telîfun legel Kambexş qisem kird û pêm gut: Biraderan hatûne Iraq û nameyan nûsîwe çaweruwanî dîtnî rêberayetî Hîzbî Tûden [be pêy nûsînî Hîsamî ew dû nameye le tarîxî 1 / 12 / 1967  da nûsrawin- H.Q.] gutî: Legel hawrêyan tegbîr dekem û paşan lêt degêrmewe. Rojî  17 / 12 / 1967  refîq Kambexş telîfunî kird û gutî: "Wa başe gîr nebî biçîye Bexda çawit be biraderan bikewê, eger Radmenîş lewê ma bû ewe başe eger nema bû biraderan rabigre heta ême yekêkman dît û çawman pê yan dekewê."

.... Rojî 22 / 12 / 1967 çûme Beyrût. Lewê gîr nebûm çûme Şam rojî  23-î December-î [1967]  le Şamewe be taksî berew Bexda kewtme rê.

Geyiştme Bexda Radmenîş le Bexda nemabû, xeberim da Suleyman û Hemedemîn rojî 28-î December [î 1967]  hatne Bexda gutyan "To êsta endamî serkirdayetî Komîtey Înqîlabî Hîzbî Dêmokrratî Kurdistanî, biryar dirawe hemû karêk legel to be agadarî to bikeyn. Ême hatûyn le piley yekemda çawman be rêberayetî Hîzbî Tûde bikewê. Eger ewan amade bin demanewê wek dû hîzb hawkarî bikeyn. Dawayan lê dekeyn le barî madî û me'newîyewe yarmetîman biden. Eger destman bewan ranegeyişt  yan ewan  amadey hawkarî nebûn û yarmetîyan nedayn, komîte biryarî dawe legel hîzbî be's pêwendî bigrîn û legel ewan qise bkeyn."

Rojî 3-î janvîyey 1968  çûyne malî Dara Tofîq û paş gorînewey bîru ra biryarman da ke kak Dara biçête lay Mela Mistefa û bîdwênê  û hewil bida Mela Mistefa desto le dijayetî ême helgirê. ....

Paşan deyanwîst biçne balwêzxaney Çîn û goya daway pêwendî lewan biken. Ew dem bîru bawerî çewtî Maoyîstî xoy geyandbowe nêw şax û daxî Kurdistanîş. Min be tundî dijî ewe rawestam. Ewanîş bewe razî bûn ke pêwendî legel Çîn le ajawe beder xêrî tîda nîye. Her lewê nameyekyan bo biraderan nûsî ke legel layengranî Çînî ke le rêgay Celal Talebanîyewe çûbûne Kurdistan pêwendî negrin. 

... Rojî  5 / 1 /1968 le Bexdawe geramewe bo Sofya

... Lew kobûneweyeda [le Pirag bo duwan sebaret be rojnamey "Kurdistan"] biryar dira ke min biçmewe Iraq û xeber bidem kak Suleyman û Hemedemîn bêne Bexda paşan Dr. Radmenîş û Dr. Qasimlûş bên. Rojî  26-î Janvîyey 1968 çûme Bexda . Xeberim da bei biraderanîş  ewanîş hatin.

... Legel hawrêyanî Hîzbî Komonîstî Iraq  pêwendîm girt û dawam lê kirdin ke cêgayekman bo diyarî biken ke heta kobûneweman tewaw debê lewê bijîn. Rojî 5/ 2 / 1968 Dr. Radmenîş hate Bexda û her ew roje hate lay ême wate ew şwêney ke biraderanî Hîzbî Komonîstî Iraq boyan diyarî kirdbûyn. Dr.Radmenîş pêşnyarî kird ke beyanî le Ebû Newaz le risturanêk pêkewe nan bxoyn. Rojî duwayî le şwênî diyarîkraw çuwar kesî ko bûynewe û destman be qisan kird.  

Dr. Radmenîş gutî: „Pêm xoşe êwe le ser barudoxî wulat û kar û têkoşanî xotan raportêk  binûsin û pêşnyartan diyarî biken ta ême temaşay bikeyn û be gwêrey ew bituwanîn biryar bideyn. Kak suleyman gutî: "Ême raport nanûsîn, ême le layen rêkixrawêkî serbexowe hatûyn legel rêberayetî Hîzbî Tûdey Iran pêwend bigrîn û bas bikeyn. Lew bas kirdne da êwe wez'tan bo rûn debêtewe, êmeş le bîru ray êwe tê degeyn“. Dr. Radmenîş îtir le serî neroyişt. Çaweruwanî Dr. Qasimlû bûyn heta ewîş peyda bû. Suleyman dijî ewe bû ke Qasimlû beşdarî bika. Zorim hewil da ta razîm kird Dr. Qasimlû beşdar bê û Suleymanîş berew rû bîdwênê .

Rojî 9 / 2 / 1968 kobûnewey resmî le nêwan nwêneranî Komîtey Înqîlabî Hîzbî Dêmokratî Kurdistan û rêberayetî Hîzbî Tûde pêk hat, beşdar buwekan birîtî bûn le Suleyman Mu'înî, Hemedemîn Sîracî, Dr. Qasimlû, Dr. Radmenîş û Kerîmî Hîsamî. Min pêşnyarim kird ke Yosifî Rîzwanîş beşdar bê. Pêşnyarî min be zorbey deng red kirayewe.

Dirêjey Heye…

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.