Hêndêk boçûn le ser kitêbî Sazmanî Inqîlabî u Kurdistan (226)

Dû nûsînî kurtî  Bekir Hiseyn u Şwan Ehmed

7-î Novambrî 2022

Zor supas û destxoş Kake Hesenî berêz . Bo hewl û mandûbûûnt . Hewlî

parastinî mêjûy siyasî hemû raburdûy her çuwarparçeke leweda zor giring e , eweye ke biparêzrêt le şêwandin û saxtekarî, dujmin û dagîrkeran na , ewan lêy nazanin u natwanin , belkû parastinî le

hêzî Kurdî ke wek piroje karyan kirdûwe û deyken bo tezwîrî mêjûy raburdûş , bo durust kirdnî pîrozî saxte û bo şêwandinî rolî kesayetye astengekanî ber dem

Legel dûbarey rêzim

Biratan : Bekir Hiseyn

----------------------------------------------------------------

Şer û Milmilaney (melayî)) û (celalî) - le zarî rêberanî Sazmanî Înîlabîyewe –

Şiwan Ehmed

Şestekan, salanî werçerxanî komelgey ême bû berew dirindeyî. Lew salanewe pelamarî yekdî û serkutkirdinî siyasî û xinkandinî azadîyekan, destî pêkrid. Le şestekan da şeytan be tewawetî hat bo Silêmanî, pêştir tenya serdanî dekrid. Birwane:(Merîwan Helebceyî: giftugoyekî dirêj legel Bextyar 'Elî le hejde beş da – Rexney Çawdêr – le Tişrînî duwemî 2007 bo Adarî 2008(.

Beşêkî em kitêbe (Sazmanî Înqîlabî û Kurdistan) ke payîzî emsal çapkirawew be qewarey (607) lapereye, maceray ew qonaxe dizêw û tarîkeye(qonaxî nîştecêbûnî ehrîmen le Slêmanî). Qonaxêk şerî nêwxoyî û Kurd kujî dekate kirdeyekî asayî suruştî û ta an u satî êstaman, be şêwazî corawcor dirêjey debêt û deme zerd dekrêtewe.

Ême le zarî şayedhalekanî ew serdemewe:( Kuroş Laşayî, Siyaweş Parsa nejad, Îrec Keşkolî, Muhsîn Rîzwanî) ke kadirî bala û helsûrawî diyarî nêw rêkxirawî Sazmanî Înqîlabî Iran bûn û le kotayî şestekanî sedey rabirdûda, dêne Bekreco u peywendî legell balî mektebî siyasî Partî Dêmokratî Kurdistan degrin, le beşêkî mêjûy dur u dirêjî şerî xwênawî nêwan balî Melayî û Celalî agadar debîn. Kitêbeke dokomêntêkî mêjûyî giringe, bo têgeyiştin le zorêk le wirdekarîyekanî ew qonaxe û bînînî ew tirajêdîya û mergesatey, Celalî û Melayî be nawî kurdayetî û bizûtnewey rizgarîxuwazî Kurdîyewe, sazyan dawe.

Egerçî edebyatî hîzbî ew dû rewte, piryetî le şanazî û efsane û fantazyay xebat û şorişgêrî û Kurdayetî, lê xo le qerey naşîrîntirîn xuyek naden ke xesletî herdûkyan bûwe le seretawe ta êsta u destberdarî nebûn, Ewîş paşkoyayetî û gwê le mistî dewletanî xwênexo û dagîrkeranî Kurdistan bûwe.

Lem kitêbeda ew pirse piştrast dekrêtewew (Kuriş Laşayî) wek diyartirîn

Karekterî siyasî Sazmanî Inqûlabî û yekêk lewaney zortirîn mawe le Bekreco û Silêmanî û Helebce mawetewe, le wulamî pirsyarêkî Hemîd Şewket da delêt:(em dû layene be şerhatûwey Kurdayetî, heryek le layen dewletêkewe han dedran û piştîwanî dekran, Mela Mistefa Barzanî le layen Iranewe piştîwanî lê dekra û Celal Talebanî le layen Iraqewe.) Renge hemû ew hele û pele u dizêwyaney le milmilanêy naqola û dirêj xayenî Celalî û Melayî kewtotewe û dekewêtewe, be kitêb û çend wutar û rûmalkirdnêk kotayî neyet, wek çawsaxî kirdin bo wilatanî dagîrkerî Kurdistan û destikêşî destî bêgane û  Kurd kujî û ziyan geyandin be bizûtnewey rizgarîxwazî gelî kurd û .... htd, belam em kitêbe serçaweyekî giringe bo bîstinî hendê zanyarî nwê ke renge le nûrsawî dîke û berhemî tirda desgîrman nebêt.

Dirêjey heye...