Hêndêk boçûn le ser kitêbî Sazmanî Inqîlabî u Kurdistan (224)

Hîwa gul

Sazmanî Inqîlabî û Kurdistan

Eme nawnîşanî kitêbêkî 655 lapereyi ye Ke basî beşêk le rudawekanî Başur û Rojhelatî Kurdistan dekat. Lem kitêbeda 30 kes rastî rudawekanyan gêrawetewe .

Em kitêbe le layen nûser û kesayetî diyarî mîdyayî Kurdistan kak Hesen

Qazyewe ko kirawete, pêşekî bo nûrsawe û be duwada çûnî wird bo koy babetkan kirawe.

Xwêndnewey kitêbeke çêj bexşe. Eger çî ewaney lem kitêbeda beşdarin be şêwey gut û bêj basekanyan hênawte gorê belam babetekan mêjûyin û kitêbeke buwete serçaweyekî girîngî rûdawe mêjûyekan.

Eger çî kitêbeke qebeye belam mirov le xwêndewey werez nabê, basekan xwêner radekêşn û înca rûdawekan sade û sakar belam be nawerok le layen ew kesanewe pirsyarekanyan araste kirawe degêrdirênewe.

Bêguman em kitêbe yekêk le baştirîn kitêbekane ke be emanetewe basî

rûdawekanî têda kirawe. Leweş girîngtir kak Hesen Qazî zor dilsozane û be zanabûnewe be duwada çûnî bo gêranewey ew kesane kirduwe ke beserhatekanyan gêrawetewe.

Jimareyek kesayetî çepî şorişgêrî Iranî le Ewrûpawe deçne Başûrî

Kurdistan  u deyanewê legel cûwalnewey salekanî 1346 û 1347 î Rojhelaltî Kurdistan pêwendî bigrin. Rewşî nawçeke û gorankaryekan wa dekat le lay mam Celal Talebanî bigîrsênewe. Lem kitêbeda bo yekem car kesanêk be zimanêkîtir û be şêweyekîtir basî ew qonaxe mêjûyeman bo deken.

Kitêbî Sazmanî Inqîlbî u Kurdistan yekêk le baştrîn ew kitêbaneye le mawey de salî rabirdûda xwêndûmetewe. Lem kitêbeda mirov dû qonaxî ciyawazî xebat û têkoşanî Kurdistan le Başur û Rojhelatî Kurdistan dexwênêtewe.

Cêgay xoyetî amaje bewe bidem ke zimanî nûsînî kitêbeke, emanetdarî le

gwastnewey babetekan û wergêranekan da kak Hesen Qazî wek hemîşe şakarî xulqandûwe. Be sebir û tehemulewe gutubêjekanî wergêrawe wînca bo sax kirdnewey babetekan pêwendî be kesanî pêwendîdarewe girtuwe û lem law lew la le rêgey kitêb û rojname û televîzyonekanewe babetekanî sax kirdwetewe.

Dest xoş kak Hesenî Qazî û sipas ke em erke dilsozane û girînget pêk

hêna û hîwadarm xwênerî Kurd kitêbeke bedest bixen û bîxwênewe.

-------------------------------------------------------------------------------

Nîma Sertîp, Rojnamey Kurdistanî Nwê

" Sazmanî Inqîlabî û Kurdistan" /11/1

A: Nîma Sertîp

Salî 1964 lêktirazanêk le naw hîzbî " Tude"y Iran rûyda û rêkxirawêk be nawî "Sazmanî Inqîlabî Hizbî Tûdey Iran le derewey  Wulat" durust bû ke zorbey endam û layengiranî Hîzbî Tûdey Iran ke danîştûy xoraway Ewrupa bûn, peywendîyan bew rêkxirawewe kird.

(Sazman, wate rêkxiraw, înqîlabî be watay şorişgêr, le zimanî Farsîda înqîlab be watay şoriş dêt, be pêçewaney zimanî 'Erebî ke înqîlab be watay kudeta dêt). Hokarî ew ciyabûneweyeş ewe bû ke damezrêneranî Sazmanî Inqîlabî rexneyan lewe hebû ke Hîzbî Tûde Ser be Sovîyete û herweha serkirdekanî Tûde lebirî ewey le nawxoy wulatda bin,

Le derewe gîrsawnetewe. Ewan rayan wabû hêzêk ke xoy be rêberî çînî kirêkar bizanêt, debêt lenaw xelik û xakî xoyda bêt.

Le çi katêkda damezra?

Durustibûnî Sazmanî Inqîlabî hawkat bû li egel dabeşbûnî bizûtnewey

komonîstî beser dû berey nakokda ke yekêkyan Yekêtî Sovyet û ewî dîkeyan Çîn raberayetîyan dekrid. Sereta Sazmanî Inqîlabî meylyan bo Kûba û riêbazekey Kastiroy hebû û bo ew mebesteş dû deste le endam û layengiranî Sazmanî Inqîlabî bo perwerdekirdin rewaney Kûba kiran, belam duwacar ew sazmane meylyan gora û rûyan le Çîn û Maotsetong kird .

Sazmanî Inqlabî le salanî 1968-1967 peywendîyan legel bizûtnewey

çekdaraney Kurdistanî Iranda durust kird û paşan le ri êgey balî mektebî siyasî Partî Dêmukratî Kurdistan û duwatirîş Yekêtî Nîştimanî Kurdistanewe be taybetî Serok mam Celal-ewe peywendîyan be 

bizûtnewey kurdayetîyewe le Başûr î Kurdistan kird.

Kitêbî Sazmanî  Inqîlabî û kurdistan, le layen Hesenî Qaz î-ewe amade kirawe û çendîn babetî  ew kitêbe ke le layen Hesenî Qazîyewe le Farsîyewe kirawe be Kurdî Ke têyda ruwange û boçûnî çend serkirdeyekî Sazmanî Inqîlabî ke duwatir hizbî Rencberanyan damezrand sebaret be bizûtnewey Kurd le Rojhelat û Başûrî Kurdistan xirawete rû.

Kuriş Laşayî (ke le Başûrî Kurdistan be Dr. Celal narsabû), yekêk bû le damezrêneran û serkirde diyarekanî Sazmanî Inqîlabî, le Almaniya çawî be Dr.Kemal Fuad dekewêt û bem şêweye peywendî be bizûtnewey Kurdewe dekat la Başûrî Kurdistan, duwatir le Bexda çawî be mam Celal dekewêt û be yarmetî mam Celal, Laşayî deçête Rojhelatî Kurdistan û nizîkey dû mang legel pêşmergekanî Komîte Şorişgêrî Hizbî Dêmukratî kurdistanda be rêberayetî Simayîlî Şerîfzade, Suleymanî Mu' înî, mela Aware û Hemedemînî Sîracî demênêtewe, lew maweye da hestêkî xoşewîstî dilpakane le ast têkoşeran, be taybetî Şerîfzade û mela Aware le lay Kuriş Laşayî durust debêt û biryar dedat ke gerayewe bo Ewrûpa, serkirdayetî Sazmanî Inqîlabî hanbidat bêne Kurdistan û peywest bin be bizûtnewey çekdaraney kurdistanewe le dijî rijêmî şa. Belam ke degate Bexda, hewalî şehîdbûnî Simayil Şerîfzade û hawrêkanî debîstêt, leber ewey ke natuwanin Lenaw Rojhelatî Kurdistanda damezrên, le Bekreco û Silêmanî û Helebce dirêje be xebat deden. Laşayî delêt: ke liegel mam Celal danîştim, pêmwut: komonîstim û hendêk le mêjûy Sazmanî Inqîlabî û rêbazî rêkxirawekem bo şîkirdewe, helbet ew agadar bû le ciyawazîyekanî nêwan Çîn û Sovîyet û ewey pêmdewut, hênde

boy taze nebû. 

Dirêjey heye...