Encamên hilbijartinê

Çarşem 23 Cotmeh 2024 - 02:50

Komîsyona Bilind a Serbixwe ya Hilbijartinên Iraqê li Bexdayê bi civîneke çapemeniyê encamên destpêkê yên hilbijartina dema şeşem a parlementoya Herêma Kurdistanê eşkere kir. Di civîna çapemeniyê de Endamê Komîsyona Hilbijartinê Deham Ehmed encamên hilbijartinê xwend. Hat diyarkirin hejmara dengdêrên Herêma Kurdistanê 2 milyon 899 hezar û 876 kesin. Her wiha diyarkir 1434 navend û 7070 cihên dengdanê hebûn.

Li gor agahiyên ku komîsyonê eşkere kirine, hejmara dengdêran a li her çar parêzgehên Herêma Kurdistanê wiha ne;

Hewlêr: Li Hewlêrê 1.023.606 kesan mafên dengdanê hebûn, ji vana 762.929 kesan deng daye, rêjeya tevlîbûnê jî ji sedî 74,53 bû.

Silêmanî: Li Silêmaniyê 1.087.192 kesan mafê dengdanê heye, ji vana 715.499 kesan deng dane û rêjeya tevlîbûnê ji sedî 65, 81’e.

Helebce: Li Helebce 60.202 kesan mafê dengdanê heye, ji vana 41.671 kesan deng daye, rêjeya tevlîbûnê ji sedî 69,11’ye.

Dihok: Li parêzgeha Dihokê jî 722.397 kesan mafê dengdanê heye, ji vana 564.494 kesan deng dane û rêjeya tevlîbûnê ji sedî 78,14 bû.

Li gor encamên ku komîsyonê ragihandine dengên partiyan ên di hilbijartina taybet û giştî de jî wiha ne;

PDK: 809.197

YNK: 408.141

Tevgera Nifşê Nû: 290.991

Tevgera Goran: 11.621

Yekgirtûya Îslamî ya Kurdistanê: 116.981

Komeleya Dadgerî ya Kurdistan: 64.710