- Out of Sight wê ji ber koronayê li ser ekranê û di înternetê de bê nîşandan. Proje behsa bêserûşûnkiriyan dike.
Berhema nû ya Maxim-Gorki-Theater a li Berlînê bi navê Out of Sight (Dûrîçav) wê ji ber koronayê li ser ekranê û di înternetê de bê nîşandan. Ji bo projeyê ku behsa bêserûşûnkiriyan dike, 4 nivîskarên ji Kurdistan, Başûrê Efrîka, Filistîn û Meksîkayê senaryo nivîsî.
Pêr hin qismên wê dikarîn li Maxim-Gorki-Theater a Berlînê bên dîtin. Ji ber ku doh Roja Bêserûşûnkiriyan a Cîhanê bû, ev proje bi qîmettir e jî. Mijar zewiyekî garis li Efrîka Başûr, goreke komî li Meksîka, bîreke hestûyên kuştiyan tê de li Bakurê Kurdistanê û dibistaneke li Şerîa Rojava ne.
Dramaturgê sereke yê Maxim-Gorki-Theaterê, Johannes Kirsten dibêje, "Me hewl da berhemeke melez ji şano û sînemayê çêkin."
Di qismê li ser Efrîkaya Başûr de ciwanekî reşik bi destê kurê xwediyê gundikekî tê kuştin. Malbat û polîs hewl didin ser vê kuştinê bigirin.
"Out of Sight" zû dûrîçav dibe, ya dûrî çav dibe jî tê jibîrkirin. Nivîskarên projeyê dibêjin, ew li dijî jibîrkirinê dinivisînin.
BERLÎN