Beşî Kotayî
wituwêjêkî Kurt le gel Newşîrwan Mistefa
u wilamêk le Helebcewe
Sazmanî Înqilabî u Kurdistan(203)
Le gel helumercî konkirêt bîguncênîn û xoman le wedûkewtin,dogmatism sermeşq wergirtin biparêzîn.
Ême endamî Yekêtî Nîştimanî Kurdistanîn. Le heman katda rêkixrawî şorişgêranî Kurdistanîş têyda endame. Ême legel wan bernamey hawbeş, siyasetî dereweyî hawbeş û hêzî çekdarî hawbeşman heye. Le organe rêweberîyekanda % 50 î men û % 50 îwan. Çalakîyekanî dîkey ême serbexoye. Wek organî tîorîk, bernamey
taybetî lemer rêkxistinî xo û htad, rêberayetî xo.
Ême legel hawkarî le çuwarçêwey Yekêtî Nîştimanî Kurdistan da serbexoyî xoman wekû rêkxistinêkî Marksîstî – Lênînîstî parastûwe. Le salanî 1977 û 1978 dû pêlonomî herawî kadrekanman rêk xist. Le salî 1981 yekem Konfiransî Komele be beşdarî 185 nwêner û le salî 1982 konfiransî duwem man be beşdarî 222 nwêner pêk hêna. Lew danîştnane da bere bere be leber çawgirtnî pêgeyiştnî barudox, pereman be rêbaz û bernamey Komele dawe.
Ême êsta bo mafî diyarîkirdinî çarenûsî gelî Kurd xebat dekeyn. Ewe raste ke ême emro de naw Yekêtî Nîştimanî Kurdistan dayn ke bername lanî kemekey birîtî ye le wedîhênanî otonomî bo Kurdistan belam leweş ziyatir ême bernameyekman bo xoman heye ke xebate le pênaw Kurdistanêkî yekparçe û sosyalîstî be rêberî çînî kirêkar. Be pêy têgeyiştinî ême em bernameye lêkdaneweyekî duruste le pirênsîpî mafî diyarîkirdinî çarenûsî gelî Kurd û ême bo wedîhatnî xebat dekeyn.
Bernamey otonomî meseley Kurd cê be cê naka. Ewe bernameyekî rêformîstî û katî ye. Bizûtnewey henûkey gelî Kurd, bizûtneweyekî pêşkewtû û dije empiryalîstî û le heman kat da dêmokrratîk e. Amancî ême rizgarî Kurdistane le kot û bendî sitem û çewsanewe. Hêze pêşkewtûwekan detuwanin le rîzî serewey ew
xebate da bin yan be tenîştîyewe bimênnewe. Ême wekû hêzêkî pêşkewtû be erkî xomanî dezanîn le rîzî pêşewey da bîn û rêberayetî ew bizûtnewe neteweyîye ke dawxuwazî rizgarî neteweyî heye, nedeyne dest burjiwazî yan hêze koneperistekan.
Kesêk detuwanê siyasetêkî durust dabirêjê ke be başî meseleke binasê. Be pêy têgeyiştinî ême meseley otonomî kêşey Kurd le sê parçe cê becê naka û xo bestnewe de çuwarçêwey duruşmî otonomî da siyasetêkî hele ye. Ême tenya rêgay
çareserî be wedîhatinî pirênsîpî diyarîkirdinî çarenûs bo gelî Kurd dezanîn.
* Arşîwî Esnad û lêkolînewekanî Iran Bêrlîn
Witwêjkar: Wefa Kirmaşanî [Muhsîn Rêzwanî]
Wergêr: M.T.
Êdît: Hesen Qazî
parvê bike
Nivîsên Hesen QAZÎ
Hêndêk boçûn le ser kitêbî Sazmanî
17 sibatê
Hêndêk boçûn le ser kitêbî Sazmanî
10 sibatê