Ciwanan meclisa xwe ya rêveber hilbijart

În 26 Tebax 2022 - 22:18

  • Kongre bi dirûşmeya,“ Rêxistinkirina Ciwanên Êzîdî wê bibe tolgirtina 74 fermanan û misogerkirina xweseriya Şengalê” hat lidardixistin.

Kongreya Yekîtiya Ciwanên Êzîdxanê (YCÊ) ya 3´yan pêr li bajarokê Sinûnê ya Şengal bi beşdariya 300 delege û 200 mêhvanan, bi hilbijartina meclisa rêveber û eşkerekirina encamnameyê bi dawî bû.

Kongre bi dirûşmeya,“ Rêxistinkirina Ciwanên Êzîdî wê bibe tolgirtina 74 fermanan û misogerkirina xweseriya Şengalê” hat lidardixistin. Kongre bi erêkirina rêziknameya Yekîtiya Ciwanên Êzîdî û hilbijartina 20 endamên Meclîsa Rêveber bi dawî bû.

Di rêziknameyê de ala Yekitiya Cawanên Êzîdî ku ji zemîna sor, baz, çiya û Rojê pêk tê, careke din hate erêkirin.

Navê Yekîtiya Ciwanên Êzîdî jî wek Yekitiya Ciwanên Êzîdxanê hate  erêkirin ku navê wê  yê kurt YCÊ ye. 

Endamên meclisa rêveber a YCÊ´yê ji aliyê delegeyan ve hatin hilbijartin û wan piştre bi bîr û baweriyên Êzdayetiyê sond xwar. Kongre bi gêrandina govendê bi dawî bû. 

Encamnameya kongreyê bi awayekî nivîskî hate weşandin û tê de 9 xisûs hatine diyarkirin. Ji van yên sereke ev in:

* Yekitya Ciwanên Êzîdxanê azadiya fiziki ya  Rêber Apo dixe navenda têkoşîn û xebatên xwe. Bi hêz û dînamîzma ciwantiyê kar û xebatan dike di çarçoveya hemleya “werin cenga azadiyê” de.

* Ji bo azadiya fizîkî ya Rêber Apo bi pêşengiya ciwanên Êzîdî konfranseke li ser asta Iraqê wê bê birêxistinkirin.

* YCÊ li ser esasê pûçkirina polîtîkayên dijmin li ser xaka Şengalê xwe berpirsyar dibîne.

* Ji bo ku peymana 9’ê Cotmehê pûç bibe û xiyaneta PDK’ê bişkîne.

* Li diji pîlana dewleta Tirk a dagirker û hevkarên wê yên valakirina Şengalê, xebatên vegera gel li Şengalê wê bên meşandin.

ROJNEWS / ŞENGAL

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.