Cenazeyên 3 koçberan vedigerînin Kurdistanê

Yekşem 26 Hezîran 2022 - 21:21

  • Par li Girava Santurînî ya Yewnanistanê keştiyeke koçber tê de, binav bûbû û gelek koçber xeniqîbûn. Di nava wan de gelek Kurd jî hebûn.

Saziya Lûtke ya Karûbarên Penabaren a li Başûrê Kurdistanê, ragihand ku di 30’ê Hezîranê de cenazeyên 3 koçberên Kurd ên xelkê parêzgeha Silêmaniyê, wê ji Yewnanistanê vegerînin Herêma Kurdistanê.

Par li Girava Santurînî ya Yewnanistanê keştiyeke koçber tê de, binav bûbû û gelek koçber xeniqîbûn. Di nava wan de gelek Kurd jî hebûn.

Nûnerê Saziya Lûtke ya Karûbarên Penabaran ê li Yewnanistanê Şêx Hisên ragihand ku 30’ê Hezîranê, cenazeyên 3 koçberên Kurd bi rêya Balafirgeha Navneteweyî ya Hewlêrê ew ê vegerînin Başûrê Kurdistanê û got: “5 mehan piştî bûyera binavbûna keştiya koçberan a di 21’ê Kanûna 2021’ê de ya li Grava Santurînî ya Yewnanistanê, cenazeyê van hersê koçberên Kurd di çend qonaxên cuda de ji aliyê polîsên Yewnanistanê ve hatin dîtin.

Cenaze yên jinekê û 2 zarokan in. Navê jinê Emîre Osman a 33 salî ye, yek ji zarokan Rêjwar Rêbwar ê 8 salî û ya din jî Henase Hejar a 5 salî ye.

Şêx Hisên têkildarî aqûbeta koçberên din jî got: “Em baweriyê didin xizmên wan jî ku dosya hemûyan vekirî maye û em kar li ser dikin.”

NAVENDA NÛÇEYAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.