Çemê Sarûmê ziwa dibe

Xwezaya Kurdistanê bi salan e bi destê şîrketên taybet û bi şewata daristanan talan dibe. Şirketên bazirganiyê bi salan e bi kanên madenê xwezayê talan dikin. Li aliyekî zozan û geliyên Kurdistanê li welatiyan tê qedexekirin, li aliyê din herêm ji talankirina şîrketên bazirganiyê re serbest e. Daristan, rûbar, çem, zozan û bi tevahî xweza bi destê van şirketan li pêş çavan tê tunekirin. Yek ji wan herêmên ku ji kanên madenê re hatiye vekirin û talankirin Çemê Sarûmê ye. Çemê Sarûmê di navbera Pasûr û Licê de ye. Di Kurdistanê de yek jî xwezaya dewlemend û zindî herêma Çemê Sarûmê ye. Ev herêm ji aliyê ajal, dar, daristan, fêkî û nebatên din ve pir dewlemend e. Masiyên cûr bi cûr, çûken xweşik li herêmê dijîn. Gundî tevahî xwarin, fêkî û teamên xwe ji xwezayê kom dikin. Lê piştî kolandina sondaj û avakirina kanên madenê xwezaya herêmê talan dibe. Ajal êdî nikarin li herêmê bijîn Şeniyên herêmê nikarin di nava bexçeyên xwe de karên çandiniyê bikin. Li herêmê dema dest bi legêrina madanê û kolandina sondojan kirin, ava çem ziwa bû. Şîrketa Dîmîn a madenê hemû ava çem dikişîne û çem ziwa dibe. Ji ber ava Çemê Sarûmê ziwa dibe, bi hezaran masî bê av man û mirin. Şêniyên herêmê diyar dikin ku av ji aliyê şîrketên madenê ve tê xerçkirin û gelek rojan ava wan tuneye.  Şênî destnîşan dikin ku piştî kanên madenê hatin vekirin, êdî ava çem ziwa dibe û nikarin wekî berê çandiniyê bikin.

AW/OMER DEMÎR