Boçî siyasetî Hîzbî Rencberan wek Hîzbî Tûde wa bû?

Hesen QAZÎ nivîsand —

Şemî 25 Îlon 2021 - 01:19

Sazmanî Înqîlabî u Kurdistan (95)
Beşêk le hevpeyvînî hemîd şewket  legel Muhsîn Rîzwanî awirêk le bizûtnewey çepî  Iran le nawewe, Hemîd  Şewket, Çapî yekem:1384 / 2005  zayînî
Bilaw kerewe: Murtezewî

Şewket: Êwe tawanbar dekran bewey ke le xebatî gelî kurd kelkî xiraptan wergirtuwe.
Rîzwanî: Be çi manayek ?

Şewket: Bew manaye ke be hatnewey Kuriş le Kurdistan, ew xebate çekdaraneyey ke hebû tûşî şikan hatbû.  
Legel eweşda le teblîxat û propaganday Sazmanî Inqîlabî watan nîşan da ke ew xebate her wa berdewame û Sazmanî Inqîlabî dewrêkî biryaderî têda degêrê.

Rîzwanî: Hîç şitêkî awa nîye. Katêk Kuriş le Kurdistanewe hatewe ême neman dezanî grûpî partîzanî Şerîfzade le naw çuwe; çunke eger wa bû ba îdî ême kurekanman lem ser ewserî dinyawe ne denarde ewê. Ew grûpey ke ême nardmane Kurdistan taze geyiştbuwe Bexda ke xeberman pê geyişt Şerîfzade, Mela Aware û 'Ebdula Mu'înî  kûjrawin. Kurekan le Bexdawe  pêwendîyan pêwe kirdim ke debê çi bikrê? Gutim biçne Kurdistan, her nebê meytekanyan espardey xak biken. Xo ême natuwanîn be gelî Kurd bilêyn leber ewey rêberekantan kûjrawin, îdî legeltan nîn û her le meclîsî şayî û bûk gwastnewetan da beşdarî dekeyn.

Her boye çûyne Kurdistan û legel grûpî Talebanî kewtîn. Îrec [Îrec Keşkolî] û Kuriş çilonayetî manewe û xebatî hawrêyanî êmeyan le Kurdistan şî kirdûwetewe û hewcê be dûpate kirdnewe naka. Tenê ew nuxteyey lê ziyad kem ke katêk hêzekanî erteşî Iran le hawkarî legel pêşmergekanî Barzanî da meydanyan pê teng kirdîn û le nêwan dewletî Iraq û Barzanî da kem kem yekêtîyek saz bû, îtir rêgayekman bo nemayewe cige le becêhêştinî Kurdistan nebê. Ca eger hêzekanî Talebanî naçar be paşekişe neban û hêşta hîwayek hebûba, her wa le Kurdistan demaynewe. Ca boye tawanî be kelik xirap wergirtin le bizûtnewey gelî Kurd tewaw bê binemaye û esasî nîye. Ême bo maweyekî zor herçî le tuwanaman da hebû wekarman xist bo berewpêşbirdinî xebat le Kurdistan da.

Şewket: Be bê hîç şik û guman, nawbangî bizûtnewey Kurd le derewey sinûrekanî ew herême ta radeyek qerizdarî têkoşanekanî Sazmanî Inqîlabî û beşdarî kirdnî lew bizûtneweyey lewê hebû û piştîwanî lê kirdnî haşay lê nakrê. Belam min pirsyarêkî dîkem hêna gorê.

Rîzwanî: Heley ême helwêst girtnêk bû. Le rûdawî pelamarî Cimhûrî Îslamî bo ser Kurdistan, ême le ciyat ewey wek xelkî dî bêzarî lew hengawe derbibirîn û mehkûmî keyn, boçûnêkî dû faqîman hebû. Yanî hem îradman hebû le ser henardekirdinî hêze nîzamîyekan bo ew nawçeye û hem rexneman girt le hêze çepekan ke be kelkî xirap wergirtin le hestî gelî Kurd, Cimhûrî Îslamî lawaz deken ke xerîkî xebate be dijî împiryalîzm. Ca eger bimanewê siyasetî Hîzbî Rencberan lew rojgarî da helsengênîn.  Debê gişt ew meselane le ber çaw bigrîn.

Şewket: Eger bimanewê siyasetî êwe lemer Kurdistan, ke be boçûnî to ta ew roje siyasetêkî reng sûr buwe, bixeyne jêr dawerî debê çi bikeyn? Pêwane û dawerî nirxêneraney ême le duway şoriş sebaret be helsukewtî êwe lemer Kurdistan çi rengêk be xoyewe degrê?

Rîzwanî: Debê rengî spî helbijêrîn.

Şewket: Siyasetî êwe sebaret be meseley Kurdistan legel ewey ke Hîzbî Tûde le ser wê deygut yekî degirtewe. Qet le xotan depirsî ke boçî waye û boçî le buwarî dîkeş da kem ta zor helwêstî yeksan û car car hawterîbtan heye?

Rîzwanî: Le çi buwargelêk da?

Şewket: Le bêdengî teyîd amêz sebaret be daxistinî çapemenî û ew pawanixwazîyaney ke deqewman.

Rîzwanî: Ême helwêstî hawbeşman nebû. Ême rexneman degirt le pawanixwazan û dû zil hêzeke.

Şewket: Le nirxandinêkî giştî da be bê ewey ke bimanewê dawerîyekî nirxandinî bikeyn pinktêk aşkiraye û emîş ewe bû ke hêndêk rexneyan le hikûmet degirt û hêndêk bergiryan lê dekird. Hîzbî Rencberan û Hîzbî Tûde le ordûgay bergirîkaranî Cimhûrî Îslamî da helkewtibûn.

Rîzwanî: Le ruwangey ciyawazewe.

Şewket: Le ruwange yan hellwêstî ciyawazewe, ciyawazîyeke le çî dabû?

Rîzwanî: Helwêstekanî ême şêwey yektiryan nededa. Hîzbî Tûde deygut Kurdistan komployeke û Kurdekan ciyawazîxwazin.

Şewket: Êwe çitan degut?
Rîzwanî: Ême demangut lew bar û doxe pir le alozîyey ke hebû naaramîyekan be her şêweyek bin be qazancî Hîzbî Tûde û zilhêzî Sovîyet tewaw debê.

Dirêjey heye…

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.