Amajeyekî kurtî Newşîrwan Mistefa sebaret be Sazmanî Înqîlabî Hîzbî Tûdey Iran
... Le derkirdnî "Rizgarî" da çend lapereyekman terxan kirdbû bo wergêranî wutekanî Maotsêtung û, çend laperreyekîşman terxan kirdbû bo şîkirdnewey bîrubawerekanî sebaret be şorişî dêmokratî nwê û, partî pêşrew û, şorişî ferhengî Çîn û, basî tirî lew babete. Le seretay heftakan da katê le baregay Barzanî bûyn le Qesrê, pêkewe legel mamosta Îbrahîm Ehmed, kitêbî Sûr: “Çepkê le qisekanî Maotsêtung” man kird be Kurdî. Kitêbekey Lîn Pîaw: "Bijî Serkewtinî Cengî Gel" îş her min kirdbûm be Kurdî. Bîrubawerî Maotsêtung le Kurdistanî 'Iraqda, taqmê le kadrekanî "Sazmanî Înqîlabî Hîzbî Tûdey Iran le derewey wulat" ke ewsa le Kurdistan bûn, bilawyan kirdewe. Êmemanan û, duwayîtir Komele le jêr tesîrî ewan da em bîrubaweraneyan wergirtbû. Mebestî serekîman ebû rêbazêkî siyasî cîawaz û serbexo le her dû hîzbî şîw'î (lucney merkezî û qîadey merkezî, û her dû partî) Celalî û Melayî bidozînewe. Min xom egerçî rêzêkî zorim bo Maotsêtung hebû, wekû bîrkereweyekî şorişgêr u serkirdeyekî mêjûyî gelî Çîn, belam le seretay damezrandinî Komelewe reyîm wabû bîrubawerî Mao "tebenî" nekrê, ke çûme Ewrûpaş hendê qena'et û bawerim zortir goran. Bîrubawerî Maotsêtung hî qonaxê bû le cuwalnewey Komonîstî û sosyalîstî da be ser çûbû. Çîn le ser binçîney bîrubawerî Maosêtung "tîorî sê cîhan"î dahênabû, piştî kirdbûwe cûwalnewe rizgarîxwazekanî wekû cûwalnewey Kurd û, piştîwanî le hukûmete dîktatorekanî wekû hukûmetî Be'si ekird. [Le kobûnewey kadrekanî Komele] zor le ser em base duwayn, bîrubawerî Maotsêtung labira û, biryar dira wekû tecrubeyekî nawçeyî kelkî lê werbigîrê. Her bem pêye, rêvîzyonîzm "tehrîfîyet"îş labira..)
Wutwêjî govarî Sîvîl legel Fuad Qeredaxî
Newşîrwan Mistefa Emîn, Le Kenarî Danûbewe bo Xirî Nawzeng, dîwî Nawewey Rûdawekanî Kurdistanî 'Iraq 1975 -1978, laperey 358,359
Fuad Qeredaxî: Derbarey damezrandinî Komeley Markisî Lênînî bo (govarî Sîvîl) dedwêt.
Wêbnûsî: Nan û azadî Sîvîl: êwe le damezrêneranî Komelen, yan le kadre seretayiyekanî komelen. Beşêk le roşinbîranî siyasî pêyan waye ke komeley Markisî Lênînî yan komeley Rencderan durustkirawî bale roşinbîrekey nêw balî mektebî siyasî partîye, beşêkî tirîş pêyan waye komele zyatir be karîgerî Kurişî Laşayî û ew roşinbîre çepaney tirî Sazmanî hîzbî komonîstî Iranî ewsa durust bûn ke hatûnete Silêmanî, aya cenabit çon lew babete derwanît?
Qeredaxî: Pêmxoşe le twêy welamekan da çend şitêkî nêw pirsyarekeş rastbikemewe – damezrêneranî komele tenha çend kesêk nebûn, belkû hemû ew hawrêyane bûn ke karyan bo damezrandinî kirdûwe, ewaney dilsozane wek kadir heldesûran û be xemî pêkhênanî em rêkxistinewe bûn, boye pêmbaşe bew têkoşerane biwitrêt (helsûrawan)î sereta, îtir ewey yekêk le yekêkîtir zêtir rolî hebûwe, le bayexî karî hemû ewanîdîke kem nakatewe. Min yekêkim le helsûrrawanî seretay damezrandinî Komele û şerefî endametî destey damezrêner û yekem komîtey serkirdayetî û cêgirî yekem sikirtêrî Komelem heye. – Komele durustikrawî "bale roşinbîrekey nêw balî mektebî siyasî partî" be giştî nebû, belkû tenha berhemî hewl û mandûbûn û têkoşanî ruşinbîranî çepî Maoîstî nêw ew baley partî bû – ew rêkixrawe çepe Iranîyey le kotayî şestekanî sedey rabirdûda hatne Silêmanî nawî (Sazmanî hîzbî komonîstî Iranî) nebû, belkû be (Sazmanî Înqîlabî Hîzbî Tûdey Iran) denasra. Em rêkxirawe le hîzbî tûde ciyabûbowe, le Ewrûpa durust bibû û be nawî (Sazmanê Ênqêlabîyê Hêzbê Tûdêyê Îran der xarc ez kêşwer) karyan dekird, ke biryaryan da bo xo rêkxistin le nêw Iran û zemîne xoşkirdin bo şoriş bigerênewe, serkirdayetîyekyan bo nawewey Iran pêkhêna, Kurişî Laşayî kesî yekemî ew serkirdayetîye bû. Sebaret be karîgerî Sazmanî Înqîlabî le ser arastekirdinî ême berew rêbazî Maoîstî rastîyeke nukûlî lê nakrêt, belam ewe tenha hokar nebû, çunke rastêkey hokarî dîke hebû ke êmey berew ew rêbaze debrid (ew hokaranem le dîmaneyekî rojnamey Hawiltî da leser mêjûy damezrandinî Komele destnîşan kirdûwe û detwanin le Hawiltî jimare 411 û 412- î rêkewtî 6 û 9-î Nîsanî 2008 da bîxwênnewe), le rastî da ême xoman amadeyîman têda bû, boye hatnî ewan bûwe hokarî derekî ta meylî çepî Maoîstî nêw ême bixemlê u duwatir bibête pirojey binyatnanî rêkxirawêkî marksî lênînî. Lêreda pêwîste amaje bewe bikem ke Kurişî Laşayî tenha ew maweyey le Silêmanî bû karîgerîyekî roşinbîrî le serman hebû, çunke katî damezrandinî Komele ew gerabûwewe bo Iran û lewê gîra, bergey eşkencey negirt, rûxa u duwatir bûwe bawerpêkirawêkî dîwanî şahenşahî Iran. Lêre, le serubendî damezrandinî Komele da, dû hawrêy dîkey Sazmanî Înqylabî karîgerîyan hebû, ewanîş (Xusrewî Sefayî û Îrecî Keşkolî) bûn ke be nawî (Qubad û Îsma'îl) denasran, tenanet Mam Celal kurrî duwemî benawî hawrrî Qubad, Xusrewî Sefayî lewe nawna, ke ewkate le Êran gîrabû û lejêr eşkenceda gyanî bext kirdbû
Dirêjey heye…
